جاپانی سیاح تاج محل میں سیلفی لیتے ہوئے جان سے گیا
بھارتی ریاست اتر پردیش کے شہر آگرہ میں تاج محل کی سیاحت کے لیے آنے والا ایک جاپانی سیاح سیلفی لینے کی کوشش کرتے ہوئے گر کر ہلاک ہوگیا ہے۔
عینی شاہدین کے مطابق یہ واقعہ جمعرات کی شام پیش آیا۔
مذکورہ سیاح چار سیاحوں کے گروپ میں شامل تھا جو تاج محل دیکھنے کے لیے آئے تھے۔
اس حادثے کے ایک عینی شاہد سمندر سنگھ نے بی بی سی کی ہندی سروس کو بتایا کہ شام تقریباً ساڑھے چار بجے جاپانی سیاح تاج دیکھنے پہنچے تھے۔
ان کا کہنا ہے کہ یہ سیاح شاہی دروازے کے پاس کیمرے سے تصویریں لے رہے تھے۔
اس دوران ٹیم کے تین رکن سیڑھیاں اتر کر آگے بڑھ گئے جبکہ ہیڈیكو نامی سیاح سیڑھیاں اترتے ہوئے سیلفي لینے لگا۔
عینی شاہد کے مطابق اسی دوران ان کا پاؤں پھسلا اور وہ نیچے آ گرے۔
End of سب سے زیادہ پڑھی جانے والی
حکام کے مطابق حادثے کے بعد انھیں فوری طور پر ہسپتال لے جایا گیا، جہاں وہ جانبر نہ ہو سکے۔
مقامی پولیس انچارج سشانت گور نے بتایا کہ جاپانی سیاح چند دن پہلے بھارت آئے تھے اور جمعرات کو ہی جے پور سے آگرہ پہنچے تھے۔
