کانگریس رہنما ادھیر رنجن چوہدری: ’انڈیا کے وِنگ کمانڈر ابھینندن کی مونچھوں کو قومی مونچھ قرار دیا جائے‘
،تصویر کا ذریعہISPR
ہر ملک کا قومی ترانہ ہوتا ہے۔ قومی کھیل، پہناوا، پکوان، ان سب کے بارے میں بھی سنا ہے۔ قومی جانور، پرندہ، یہاں تک کہ پھول بھی۔ چلیں ٹھیک ہے۔ لیکن کیا آپ نے کبھی قومی مونچھ کے بارے میں سنا ہے؟ ہم مذاق نہیں کر رہے۔ سنجیدہ ہیں۔۔۔
ہوا یوں کہ انڈین پارلیمنٹ کے ایوانِ زیریں میں کانگریس پارٹی کے سربراہ ادھیر رنجن چوہدری وِنگ کمانڈر ابھینندن وردھمان کی تعریف کر رہے تھے اور انھیں خراج تحسین پیش کر رہے تھے۔
وِنگ کامنڈر ابھینندن یاد ہیں ناں آپ کو؟ انڈین ائیر فورس کے وہ پائلٹ جن کا طیارہ پاکستانی ہوائی حدود کی خلاف ورزی کرتے ہوئے تباہ کر دیا گیا تھا اور انھیں پاکستان نے حراست میں لے لیا تھا لیکن پھر کچھ دن بعد پاکستان نے انہیں انڈیا کے حوالے کر دیا تھا۔
یہ بھی پڑھیے
،تصویر کا ذریعہHindustan Times
ادھیر رنجن نے لوک سبھا میں یہ کہا کہ وِنگ کمانڈر ابھینندن کو ان کی بہادری کے لیے انعام دیا جانا چاہیے۔ لیکن وہ یہ کہہ کر رکے نہیں۔ اس کے بعد انہوں نے ونگ کمانڈر کی مونچھوں کی تعریف کی اور کہا کہ ’اُن کی مونچھ کو قومی مونچھ قرار دیا جانا چاہیے۔‘
کیا خیال ہے؟ قومی مونچھ؟ ایک بار پھر اس سے پہلے آپ کچھ کہیں آپ کو یہ بتا دیتے ہیں کہ اس پر دوسرے کیا کہہ رہے ہیں۔ سوشل میڈیا کا زمانہ ہے تو ظاہر ہے ان کی یہ بات ٹوئٹر پر آ ہی گئی۔
End of سب سے زیادہ پڑھی جانے والی
انڈین خبر رساں ادارے اے این آئی نے جب یہ خبر ٹویٹ کی تو اس کے بعد کیا ہوا ہوگا آپ کسی حد تک تو اندازہ لگا ہی سکتے ہیں۔۔۔
روزی نے لکھا، ’قومی مونچھ؟ اس کے بعد کیا - قومی داڑھی؟ ویسے ادھیر رنجن نے خود ابھینندن مونچھ کیوں نہیں رکھی؟‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
نہاریکا ساہو نے لکھا، ’لگتا ہے جذبات میں بہہ گئے۔۔ کچھ زیادہ ہی کہہ گئے۔۔۔ قومی مونچھ!‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
وگیشا سونی نام سے ٹوٹر ہینڈل نے لکھا، قومی مونچھ! کوئی پلیز ان لوگوں کو بھارت رتنہ کا اعزاز دے۔ کہاں سے لے آتے ہیں ایسے انوکھے آئیڈیاز!‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
ویسے آپ کو پتہ ہے کہ ادھیر رنجن صاحب نے اس خطاب میں صرف مونچھوں کے ہی نہیں، وزیر اعظم نریندر مودی کے بارے میں بھی ایسی بات کہی کہ ایک اور تنازع کھڑا ہو گیا اور سپیکر سے ان ریمارکس کو حذف کرنے کو کہا گیا، مگر وہ ایک الگ کہانی ہے!
