عبدالحئی کاکڑ بی بی سی اردو ڈاٹ کام، اسلام آباد

	’طالبات نے ان مردوں پر ہاتھ کیوں نہیں ڈالا جوان خواتین کے پاس جاتے رہے‘

’غیر شرعی ہے‘: ’قابلِ مذمت ہے‘

غیر سرکاری تنظیموں کی نمائندگی پر اسلام آباد میں عورت فاونڈیشن کے سربراہ نعیم مرزا نے کی۔ انہوں نے حکومت کو شدید تنقید کا نشانہ بناتے ہوئے کہا کہ وہ ملک میں انتہاپسند قوتوں کی سرگرمیوں کو محدود کرنے اور قانون کے نفاذ میں مکمل طور پر ناکام ہوگئی ہے۔

نعیم مرزا نے کہا کہ حکومت کے اندر اور باہر بعض ایسے عناصر ہیں جو ملکی صورتحال کو خراب کرنا چاہتے ہیں۔

نعیم مرزا کے بقول’ ہم سمجھتے ہیں کہ جامعہ حفصہ کی طالبات کے اس قدم کے پیچھے ایک بہت بڑی سازش چھپی ہوئی ہے تاکہ پاکستان میں جمہوریت کا راستہ روکا جائے‘۔

	حفصہ کی طالبات نے جی سکس کی تین خواتین کو یرغمال بنالیا تھا

نعیم مرزا نے کہا کہ ایک طرف حکومت وزیرستان اور باجوڑ میں انتہاپسندی کے خاتمے کے لیے فوجی آپریشن کررہی ہے جبکہ دوسری جانب اسلام آباد میں مذہبی انتہا پسندی کے فروغ پر خاموشی اختیار کر رکھی ہے۔

انہوں نے اسلام آباد میں بچوں کی لائبریری پرجامعہ حفصہ کی طالبات کے گزشتہ تین ماہ سے جاری قبضے کو تنقید کا نشانہ بناتے ہوئے مطالبہ کیا کہ حکومت اس سلسلے میں سخت قدم اٹھائے۔

پریس کانفرنس میں سول سوسائٹی کے نمائندوں نے کہا کہ اسلام آباد میں بڑھتی ہوئی انتہا پسندی کی وجہ سے بعض خواتین نے سیر کے لیے واک پر جانا چھوڑ دیا ہے جبکہ انہیں ایسی رپورٹیں بھی ملی ہیں کہ بعض نامعلوم افراد ان گاڑیوں کے نمبر نوٹ کر رہے ہیں جو خواتین چلا رہی ہیں۔

اس پریس کانفرنس میں ویمن ایکشن فورم، ایس ڈی آئی پی، پاکستان کمیشن برائے انسانی حقوق، روزن، عورت فاونڈیشن، ایس پی او، دی نیٹ ورک اور سنگی کے نمائندوں نے شرکت کی۔

واضح رہے کہ مدرسےکی طالبات کی جانب سے تین خواتین کو یرغمال رکھنے کو متحدہ مجلس عمل کے رہنماء مولانا فضل الرحمن اورمختلف مکاتب فکر کے بعض علماء نے غیر شرعی قرار دیا تھا۔