رفاقت علی بی بی سی اردو ڈاٹ کام، اسلام آباد

	پاکستان بھر میں وکلاء کے احتجاجی مظاہرے جاری رہے

پاکستان میں وکلاء پچھلے دو دنوں سے ہڑتال پر ہیں اور بدھ کے روز احتجاج کا مسلسل تیسرا دن ہو گا جب وہ عدالتوں کا بائیکاٹ کریں گے۔

وکلاء کا احتجاج اور بائیکاٹ

ملک بھر میں وکلاء کا احتجاج اور ہڑتال

پاکستان بار کونسل کے ممبر حامد خان نے کہا کہ تمام ڈسٹرکٹ کورٹس میں وکلاء چیف جسٹس کے ہونے والی زیادتی اور عدلیہ کی آزادی پر حملےکے خلاف احتجاج کرتے ہوئے عدالتوں میں پیش نہیں ہوں اور جلسے اور جلوس منعقد کریں گے۔

پاکستان بار کونسل کی میٹنگ میں وکلاء نے جنرل مشرف کے آمرانہ انداز حکومت کو تنقید کا نشانہ بنایا۔ ان کا کہنا تھا کہ جس ملک میں سب سے اعلی عدالت کے چیف جسٹس خود انصاف کا طلب گار بنا دیا جائے اس کے عوام کے ساتھ ہمدردی ہی کی جا سکتی ہے۔

وکلاء کا موقف تھا کہ جنرل مشرف ہر اس عہدایدر کو برطرف کر دیتے ہیں جس سے انہیں کوئی خطرہ محسوس ہوتا ہے۔