ریاض سہیل بی بی سی اردو ڈاٹ کام کراچی

	پی آئی اے کا ریکارڈ یورپی طیاروں سے اچھا رہا ہے

کراچی میں منگل کو ایک اخباری کانفرنس کو خطاب کرتے ہوئے انہوں نے کہا کہ پاکستان انٹرنیشنل ائر لائین کی پرواز محفوظ، قابلِ اعتماد اور بین الاقوامی اداروں سے سرٹیفیکٹ یافتہ ہے ان میں کوئی کمی نہیں ہے۔

پی آئی اے کے چئرمین نے یورپی یونین کی پابندی کے فیصلے کو پاکستان پر معاشی دباو ڈالنے کے مترادف قرار دیا۔

انہوں نے کہا کہ دنیا کی کچھ دیگر کمپنیوں کے طیارے پی آئی اے کے طیاروں سے زیادہ پرانے ہیں مگر انہیں قبول کیا گیا ہے۔ ان کے مطابق انہوں نے برسلز میں یورپی یونین کے حکام سے ملاقات میں آگاہ کیا تھا کہ پی آئی اے کا ریکارڈ یورپی طیاروں سے بھی اچھا رہا ہے۔

طارق کرمانی نے بتایا کہ یورپی یونین کے وفد کو پاکستان مدعو کیا گیا ہے تاکہ وہ یہاں آئیں اور طیاروں کا جائزہ لیں، امکان ہے کہ وہ مئی یا جون میں وفد بھجیں گے۔

انہوں نے بتایا کہ یورپی ممالک مسافروں کو لانے لے جانے کے لیے ایک جہاز لیزنگ پر لیا جارہا ہے اور ایک جہاز جو پہلے سے لیزنگ پر موجود ہے اس کی معیاد بڑہائی جا رہی ہے ان کا کہنا تھا کہ دس دن کے اندر شیڈول نارمل ہوجائے گا۔