دلاورخان وزیر بی بی سی اردوڈاٹ کام، ڈیرہ اسماعیل خان

	جنوبی وزیرستان کا علاقہ جنگجوؤں کی کارروائیوں کا خاص مرکز بنا ہوا ہے

وزیرستان: ازبک کی لاش برآمد

صدر مقام وانا کے علاقہ کریکوٹ میں پیر کے صبح چھ بجے دس مسلح جنگجوؤں نے حفیظ شمشی حیل کو ان کے گھر کے سامنے سے اغواء کیا تھا۔

حفیظ پر الزام تھا کہ انہوں نے اپنے ساتھیوں کی مدد سے ازبک بوبرک اسد نامی ایک غیرملکی کا گلا گھونٹ کر اسے ہلاک کیا تھا اور اس کی لاش کریکوٹ میں یو ایس ایڈ سڑک کے قریب پڑی ملی تھی۔

حفیظ کے اغواء کے بعد شمشی حیل قبائل نے پانچ سو افراد پر مشتمل لشکر تشکیل دینے کا اعلان کیا تھا۔ ان کی جانب سے ایک اعلان کے مطابق اگرحفیظ کوموت کی سزا دی گئی تو وہ ازبکوں کے خلاف کارروائی کریں گے۔

اس اعلان کے بعد ازبک مذاکرات پر آمادہ ہوگئے مگر شمشی قبائل کے لشکر کی تشکیل سے قبل ازبک جنگجوؤں نے ایک پانچ رکنی وفد کو بتایا تھا کہ حفیظ کو شریعت کے مطابق سزادی جائےگی۔