دلاور خان وزیر بی بی سی اردو ڈاٹ کام، ڈیرہ اسمٰعیل خان

	باجوڑ میں تشدد کی کارروائیوں میں اضافہ ہوا ہے

یہ خود کش حملہ ایک فوجی قافلے پر کیا گیا جو شمالی وزیرستان کی تحصیل میر علی سے بنوں جا رہا تھا۔

تفصیلات کے مطابق جب فوجی قافلہ بنوں کو وزیرستان سے ملانے والی شاہراہ پر پہنچا تو بارود بھری ایک سفید کار میں سوار حملہ آوروں نے اپنی گاڑی قافلے میں شامل ایک گاڑی سے ٹکرا دی۔

فوجی ذرائع کے مطابق اس حملے میں سات فوجی زخمی بھی ہوئے ہیں۔ مقامی قبائلی شدت پسندوں کے ترجمان عبداللہ فرہاد نے بی بی سی سے رابطہ کر کے اس واقعے کی ذمہ داری قبول کی ہے۔

یاد رہے کہ یہ خود کش حملہ چند دن قبل مقامی طالبان کی جانب سے دی جانے والی اس وارننگ کے بعد ہوا ہے جس میں کہا گیا تھا کہ اگر چیک پوسٹوں پر تلاشی کا سلسلہ بند نہ کیا گیا تو خود کش حملے کیئے جا سکتے ہیں۔

شمالی وزیرستان کے علاقے میں فوج پر راکٹ حملے تو عام ہیں مگر اس قسم کے خود کش حملے کم ہی دیکھنے میں آتے ہیں۔