ہارون رشید بی بی سی اردو ڈاٹ کام، پشاور

	جمعرات کے حملے میں سات فوجی ہلاک ہوئے تھے

حکام نے شمالی وزیرستان کے صدر مقام میران شاہ میں یہ گرفتاریاں جمعہ کو کی گئیں۔ جن قبائل کے افراد کو حراست میں لیاگیا ہے اور ان پر جرمانہ عائد کیا گیا ان میں درپہ خیل، بورا خیل اور میران شاہ گاؤں شامل ہیں۔

یہ اعلان مقامی انتظامیہ نے جمعہ کے روز میران شاہ میں اتمانزئی قبیلے کے ساتھ ایک جرگے میں کیا۔

ادھر ایف آر ٹانک کے نیم قبائلی علاقے جنڈولہ میں مقامی طالبان کا ایک جرگہ ہوا جس میں قبائلیوں سے افغانستان میں جنگ کے لیئے نام لکھانے کے لیئے کہا گیا ہے۔

قبائلی جنگجوں عبداللہ محسود کے گروپ سے تعلق رکھنے والے طالبان کے اس جرگے کی صدارت مولوی عصمت اللہ نے کی۔ جرگے نے مقامی لوگوں کو داڑھی رکھنے کے لیئے جو مہلت دی تھی اس میں دو ماہ کا اضافہ کر دیا گیا ہے۔

مقامی طالبان نے جنڈولہ کے علاقے میں قتل یا دیگر جرائم کے لئے سزائیں خود دینے کا بھی اعلان کیا۔