پاکستان کے زیرِ انتظام کشمیر میں بڑے پیمانے پر تباہی آئی ہے

بی بی سی کے نامہ نگار ذوالفقار علی کا کہنا ہے کہ مظفر آباد کو زلزلے سے شدید نقصان پہنچا ہے اور کئی نجی اور سرکاری عمارتیں گر چکی ہیں۔

ان کا کہنا تھا: |زلزلے کے وقت میں اسلام آباد میں تھا۔ زلزلہ آنے کے پون گھنٹے کے بعد میں اپنی اہلیہ سے مظفرآباد میں فون پر بات کرنے میں کامیاب ہوا تو انہوں نے بتایا کہ ہمارا اپنا گھر بھی بالکل تباہ ہو گیا ہے۔

’میرا چھوٹا بچہ ملبے میں دب گیا تھا تاہم ہمسائیوں نے اسے وہاں سے نکال لیا۔ اللہ کا شکر ہے کہ وہ اب بالکل ٹھیک ہے۔ بڑے بیٹے کے سر میں بھی چوٹ آئی ہے۔ وہ کتنی بڑی چوٹ ہے اس کے متعلق ابھی کچھ نہیں کہا جا سکتا، لیکن اہلیہ کے مطابق وہ بھی ٹھیک ہے‘۔

ذوالفقار علی کا کہنا تھا کہ ان کے محلے میں چار پانچ گھر اور بھی گر گئے ہیں۔