ریاض سہیل بی بی سی اردو ڈاٹ کام، کراچی

پولیس کا کہنا ہے کہ واقعہ کا سبب پرانی دشمنی معلوم ہوتا ہے

یہ واقعہ سندھ کے دو اضلاع دادو اور نوشہروفیرز کو ملانے والے پل کے قریب واقع گاؤں سنھری لودو میں پیش آیا ہے۔

نوشہرو فیروز کی پولیس کا کہنا ہے کہ بدھ کی رات کو تین بجے کے قریب بیس سے زائد مسلح افراد نےگاؤں پر راکٹوں سے حملہ کیا۔ حملہ آور بعد میں گھروں میں داخل ہو گئے اور انہوں نے دو خواتین اور دو معصوم بچیوں کو قتل کر دیا جبکہ ایک اٹھارہ سالہ لڑکی زبیدہ کو اغوا کر لیا تاہم حملہ آور جاتے ہوئے اسے راستے میں چھوڑ گئے۔

پولیس کا کہنا ہے کہ واقعہ کا سبب پرانی دشمنی معلوم ہوتا ہے۔ واقعہ کے بعد لوگوں نے احتجاجاً قومی شاہراہ اور انڈس ہائی وے کو ملانے والے دادو مورو پل پر رکاوٹیں کھڑی کر دیں۔ احتجاج کرنے والے افراد قاتلوں کی گرفتاری کا مطالبہ کر رہے ہیں۔