ہارون رشید
بی بی سی اردو ڈاٹ کام، پشاور |  |
|  فائرنگ نامعلوم افراد نے کی (فائل فوٹو) |
قبائلی علاقے شمالی وزیرستان میں حکام کا کہنا ہے کہ ساوتھ فاٹا ڈویلپمنٹ پراجیکٹ کی ایک گاڑی پر حملے میں دو افراد زخمی ہوگئے ہیں۔ میران شاہ سے موسول اطلاعات کے مطابق بدھ کے روز ّیڑھ بجے کے قریب نامعلوم افراد نے ساوتھ فاٹا ڈویلپمنٹ پراجیکٹ کی ایک ڈبل کیبن گاڑی پر گولی چلا دی۔ اس سے گاڑی میں سوار پراجیکٹ کی ایک خاتون اہلکار ثمینہ اسلم اور ڈرایئور عبدالسلام زخمی ہوگئے۔ حملہ آور فرار ہونے میں کامیاب رہے۔ یہ حملہ شمالی وزیرستان کے صدر مقام میران شاہ سے چار کلومیٹر مغرب میں دتہ خیل روڈ پر پیش آیا۔ یہ اہلکار علاقہ شنا خوڑا میں خواتین آرگنائرز کی تربیت کر کے واپس آ رہے تھے۔ زخمی خاتون کو ابتدائی طبی امداد کے بعد ہسپتال سے فارغ کر دیا گیا جبکہ ڈرائیور ابھی بھی زیر علاج ہے۔ ان علاقوں میں غیرسرکاری تنظیمیں نہ ہونے کے برابر ہیں البتہ مقامی قبائل اس پراجیکٹ کو بھی شک کی نگاہ سے دیکھتے ہیں۔ مقامی انتظامیہ نے تحقیقات شروع کر دی ہیں تاہم کسی کے خلاف کوئی کارروائی ابھی عمل میں نہیں آئی ہے۔ | 
یہ صفحہ دوست کو ای میل کیجیئے
پرِنٹ کریں
