یہ واقعہ این اے 255 لانڈھی کے ضمنی انتخاب کے موقع پر پیش آیا تھا

انسداد دہشت گردی کی عدالت کے جج فیروز محمود بھٹی نے کراچی جیل میں مقدمے کی سماعت کے بعد فیصلہ سنایا ہے۔

استغاثہ کے مطابق گزشتہ سال عامر خان نے اپنے چند ساتھیوں کے ساتھ ایم کیوایم کے حریف دھڑے پر بلا اشتعال فائرنگ کی تھی جس کے نتیجے میں حریف دھڑے کے دو ارکان ہلاک ہوگئے تھے۔

یہ واقعہ 20 جنوری کو این اے 255 لانڈھی کے ضمنی انتخاب کے موقع پر پیش آیا تھا۔

پولیس کا کہنا ہے کہ فائرنگ میں ہلاک ہونے والوں میں انم عزیر اور محمد نعیم نامی افراد شامل تھے جبکہ دیگر کئی زخمی ہوگئے تھے۔

عدالت کے جج فیروز محمود کے مطابق عامر خان پر قاتلوں کی مدد اور انہیں مشتعل کرنے کا الزام ثابت ہوا ہے۔

ایم کیو ایم حقیقی دراصل متحدہ قومی موومنٹ سے علحیدہ ہونے والا ایک دھڑا ہے۔ اس کے چیئر مین آفاق احمد اور انفارمیشن سیکرٹری یونس خان کو متحدہ کے کارکنوں کی شکایت پر گرفتار کیا گیا تھا۔