کچھ ہی روز قبل ایک مسجد میں دھماکہ ہوا تھا جس متعدد لوگ ہلاک ہوئے تھے

اس کے علاوہ بتایا گیا ہے کہ یہ دھماکہ پورٹ ٹرسٹ کے شمالی دروازے کے سامنے برتھ نمبر سترہ کے قریب ایک میدان میں ہوا۔

حکام کا کہنا ہے کہ اس میدان میں بندرگاہ سے سامان اٹھانے والے ٹرکوں کے ڈرائیور اپنی باری کے انتظار میں جمع ہوتے ہیں۔

دھماکہ خیز مادہ یا بم وہاں ایک تھیلے میں تھا جسے ڈرائیوروں نے یہ جاننے کے لیے ادھر ادھر ہلانے کی کوشش کی کہ اس کے اندر کیا ہے۔ اسی دوران بم پھٹ گیا جس کے نتیجے میں پانچ افراد زخمی ہو گئے۔

زخمیوں کو قریبی ہسپتال پہنچایا گیا ہے اور ہسپتال کے ذرائع کا کہنا ہے دو زخمیوں کی حالت نازک ہے۔

ابھی تک کسی نے اس دھماکے کی ذمہ داری قبول نہیں کی ہے۔ کراچی میں گزشتہ کئی برسوں کے دوران دھماکے ہوتے رہے ہیں جن میں لوگوں کی ایک بڑی تعداد ہلاک ہو چکی ہے۔