وکی میڈیا کا فوٹوگرافی مقابلہ
،تصویر کا ذریعہMuhammad Ashar
- مصنف, شیراز حسن
- عہدہ, بی بی سی اردو ڈاٹ کام، اسلام آباد
وکی میڈیا کی جانب سے فوٹوگرافی کے کروائے گئے ایک مقابلے میں تین پاکستانی فوٹوگرافروں کی تصاویر دس بہترین تصاویر میں شامل کی گئی ہیں۔
وکی میڈیا کے مطابق 'وکی لوز مونومنٹس 2016' کے عنوان سے منعقد کرائے گئے اس مقابلے میں دنیا بھر سے 10،748 فوٹوگرافروں نے تقریبا تین لاکھ تصاویر بھیجیں جن میں سے 15 بہترین تصاویر منتخب کی گئی ہیں۔
فوٹوگرافی کے اس مقابلے کو دنیا کا سب سے بڑا فوٹوگرافی کا مقابلہ بھی کہا جاتا ہے۔
اس مقابلے میں جرمنی کے دارالحکومت برلن کی ڈسٹرکٹ کورٹ کی انسگر کورنگ کی بنائی ہوئی تصویر کو پہلے انعام کا حقدار ٹھہرایا گیا۔
اسلام آباد میں واقع پاکستان مونومنٹ کی شام کے وقت بنائی گئی محمد اشعر کی تصویر کو چھٹی بہترین تصویر قرار دیا گیا۔
دس بہترین تصاویر میں پاکستان کی دوسری تصویر ضلع بہاولپور میں اوچ کے مقام پر واقع بی بی جیوندی کے مقبرے کی تصویر ہے۔ اسامہ شاہد کی بنائی ہوئی یہ تصویر مقابلے کی آٹھویں بہترین تصویر ہے۔
صوبہ پنجاب کے ضلع بہاولپور میں نویں صدی میں تعمیر کردہ قلعہ دراوڑ کی تحسین شاہ کی بنائی ہوئی تصویر مقابلے کی دسویں بہترین تصویر ہے۔
،تصویر کا ذریعہAnsgar Koreng
وکی میڈیا کے مطابق یہ منتخب تصاویر 42 ممالک کی بہترین ثقافتی ورثے کی عکاس ہیں۔
End of سب سے زیادہ پڑھی جانے والی
اس مقابلے کا آغاز سنہ 2010 میں ہوا تھا جس میں وکی میڈیا کامنس کے ذریعے تصاویر بھیجی گئی تھیں۔
وکی میڈیا کا کہنا ہے یہ تصاویر ان ممالک کی قومی یادگاروں سے متعلق مضامین کے ساتھ تصویری جھلک پیش کرنے میں مدد کر سکتی ہیں اور بلا کسی لائسنس کے دستیاب ہیں۔
وکی میڈیا کے مطابق اس تصویری مقابلے کا ایک مقصد یہ بھی ہے کہ تصاویر بنانے والوں کو کریئٹو کامنز لائسنس کے تحت تصاویر مہیا کرنے کےلیے رضامند کیا جائے جس کے تحت کوئی بھی دنیا میں انھیں تصویر بنانے والے کا نام دے کر استعمال کر سکتا ہے۔
،تصویر کا ذریعہColin
،تصویر کا ذریعہRichard J Smith
،تصویر کا ذریعہLara Zanarini
،تصویر کا ذریعہJanepop Atirattanachai
،تصویر کا ذریعہGastão Guede
،تصویر کا ذریعہUsamashahid433
،تصویر کا ذریعہVolodka22
،تصویر کا ذریعہTahsin Shah
