تیل برائے خوراک پروگرام سے سلسلے میں پہلے بھی کئی تحقیقات ہو چکی ہیں

امریکی سینیٹ کی ایک رپورٹ میں کہا گیا ہے کہ صدام حسین نے ان سیاستدانوں کو یہ رقوم عراق پر عائد اقوام متحدہ کی پابندیاں ہٹانے میں روسی حکومت کی حمایت حاصل کرنے کے لیے دی تھیں۔

اس کمیٹی کو زیادہ معلومات سابق عراقی حکومت کے عہدے داروں نے فراہم کی تھیں۔

روسی وزارت خارجہ نے اس وقت تک امریکی رپورٹ پر تبصرہ کرنے سے معذوری ظاہر کی ہے جب تک اقوام متحدہ کی طرف سے قائم کی جانے والی کمیٹی اس معاملے پر اپنی حتمی رپورٹ پیش نہیں کر دیتی۔

رپورٹ کے مطابق اقوام متحدہ کے تیل برائے خوراک پروگرام کے تحت فروخت ہونے والے عراقی تیل کا تیس فیصد حصہ روس کو جاتا تھا۔

اس سلسلے میں قوم پرست رکن پارلیمان ولادیمیر زیرینوفسکی کا نام لیاگیا ہے

دونوں رہنماؤں نے ان الزامات کی تردید کی ہے۔ جارج گیلوے نے امریکی سینیٹ کی کمیٹی کے سامنے پیش ہونے پر بھی آمادگی ظاہر کی ہے۔

اس تازہ رپورٹ سے پہلے بھی امریکی سینیٹ اور اقوام متحدہ کی طرف سے امریکی مرکزی بینک کے سابق اہلکار پل وولکر کی سربراہی میں قائم پینل کی طرف سے اس معاملے پر رپورٹیں آ چکی ہیں۔

عراق میں وسیع تباہی کے ہتھیاروں کی تلاش پر معمور عراقی سروے گروپ نے بھی اس معاملے پر روشنی ڈالی تھی۔

تینوں نے ہی عراق کی طرف تیل برائے خوراک سے بالا بالا بھاری مقدار میں تیل سمگل کرنے کا الزام لگایا ہے جس سے عراق سروے گروپ کے اندازے کے مطابق صدام حکومت کو آٹھ ارب ڈالر کی خطیر رقم حاصل ہوئی۔

کئی مبصرین کے مطابق اس میں سے زیادہ تر تیل ترکی اور شام کے ذریعے سمگل کیا گیا اور امریکی اور برطانوی حکومت اس غیر قانونی کاروبار پر آنکھ بند کیے رکھی۔

اس کے برعکس سینیٹ کی تازہ ترین رپورٹ میں صرف تیل برائے خوراک کے تحت کیے گئے تیل کی برآمد کا جائزہ لیا گیا ہے۔ عراق سروے گروپ کے مطابق اس مد سے ڈیڑھ ارب ڈالر حاصل کیے گئے۔

اس سلسلے میں امریکی سینیٹروں نے کئی سینیئروں روسی سیاستدانوں اور اعلیٰ اہلکاروں پر عراقی تیل حاصل کرنے کا الزام لگایا ہے۔

رپورٹ میں کہا گیا ہے کہ روس خود تیل برآمد کرتا ہے اور یہ یقین کرنا مشکل ہے کہ اسے تیل کی ضرورت ہو۔

رپورٹ میں اس سلسلے میں صدر ولادیمیر پوتین کے سابق مشیر الیگزینڈر وولوشن اور سرگئی ایساکوف اور قوم پرست رکن پارلیمان ولادیمیر زیرینوفسکی کا نام لیا گیا ہے۔