 | | | | | | | ||||||||||||||||||||||||||||||||||
| | |||||||||||||||||||||||||||||||||||||||
|
فلوجہ اور بغداد: 134 عراقی ہلاک | |||||||||||||||||||||||||||||||||||||||
عراق میں امریکی فوج کا کہنا ہے کہ فلوجہ میں امریکی فصائی حملوں میں سو عراقی ہلاک ہو گئے ہیں ۔یہ حملہ پیر کو ایک کار بم دھماکے کے بعد کیا گیا جس میں سات امریکی اور تین عراقی فوجی ہلاک ہوئے تھے۔ اس کے علاوہ بغداد کے علاقے صدر سٹی میں امریکی فوجیوں اور عراقی شیعہ مزاحمت کاروں کے درمیان لڑائی میں کم از کم چونتیس افراد ہلاک ہو گئے ہیں۔ محکمہ صحت کے حکام کے مطابق گزشتہ چوبیس گھنٹوں میں لڑائی کے دوران ایک سو ستر کے قریب افراد زخمی بھی ہوئے ہیں۔ حکام نے بتایا کہ ہلاک ہونے والوں میں ایک امریکی فوجی بھی شامل ہے جبکہ کئی زخمی ہوئے ہیں۔ لیکن خبر رساں ایجنسی رائٹرز کا کہنا ہے کہ ہلاک ہونے والے عراقیوں کی تعداد کہیں زیادہ ہے۔ بغداد میں شہر کے گورنر پر ایک ناکام قاتلانہ حملہ بھی ہوا ہے۔ تفصیلات کے مطابق گورنر علی الحیدری گاڑی میں مغربی بغداد سے گزر رہے تھے کہ سڑک کے کنارے ایک بم پھٹ گیا۔ پولیس کا کہنا ہے کہ ایک شہری کی گاڑی کے بیچ میں آ جانے کی وجہ سے گورنر کی گاڑی پر زیادہ اثر نہیں ہوا۔ اس حملے میں ایک عورت اور ایک مرد زخمی ہوئے جنہیں ہسپتال پہنچا دیا گیا۔
صدر سٹی مقتدیٰ الصدر کا گڑھ سمجھا جاتا ہے جنہوں نے حال ہی میں اپنے حامیوں سے جنگ بندی کی اپیل کی تھی ۔اگست میں ہونے والے اس امن معاہدے سے جنوبی شہر نجف میں ہفتوں سے جاری لڑائی ختم ہوگئی تھی ۔ خیال ہے کہ اس کے بعد مقتدیٰ الصدر کے کئی فوجی واپس صدر سٹی آگئے تھے ۔ شمال مشرقی بغداد میں واقع گنجان آبادی والے اس علاقے کا نام مقتدیٰ الصدر کے والد کے نام پر رکھا گیا تھا جنہیں 1999 میں مبینہ طور پر صدام حسین کے کہنے پر قتل کر دیا گیا تھا۔ امریکی فوج کے ایک کیپٹن کا کہنا ہے کہ فوجی دستوں پر اس وقت حملہ ہوا جب وہ معمول کی گشت پر تھے۔ جبکہ مقتدیٰ الصدر کے ترجمان کا کہنا ہے کہ امریکی فوجی تشدد کی غرض سے علاقے میں گھس آئے اور ان کے لوگوں کے پاس جوابی کارروائی کے علاوہ کوئی راستہ نہیں تھا۔ منگل کو امریکی فوجی حکام نے بتایا کہ ایک روز قبل بغداد میں دو مختلف بم حملوں میں تین امریکی فوجی ہلاک ہو گئے تھے۔ اس کے علاوہ پیر ہی کو موصل میں بھی ایک امریکی فوجی ہلاک ہو گیا تھا۔ | 
| |||||||||||||||||||||||||||||||||||||||
| ||||||||||||||||||||||||||||||||||||||||
| ||||||||||||||||||||||||||||||||||||||||
یہ صفحہ دوست کو ای میل کیجیئے
پرِنٹ کریں
