امن کا نیا نقشہ میں خود بناؤں گا : شیرون

وزیرِسیاحت بینی ایلٹن اور وزیرِٹرانسپورٹ لی بر مین دونوں کا تعلق انتہائی دائیں بازو کی جماعت نیشنل یونین سے ہے۔

ان دونوں کے اخراج سے وزیرِ اعظم شیرون کی کابینہ میں ایسے وزراء کی اکثریّت ہو گئی ہے جو غزہ اور غربِ اردن کے کچھ علاقوں سے اسرائیلی انخلا کے منصوبے کی حمایت کرتے ہیں۔

امریکی سرپرستی میں اسرائیلی اور فلسطینی نمائندوں کے درمیان مستقل امن کا جو نقشہء راہ طے ہوا تھا اسے نظر انداز کرتے ہوئے مسٹر شیرون نے اپنی مرضی کا ایک انخلائی منصوبہ تیار کیا ہے ۔

آریل شیرون کا منصوبہء انخلا نہ صرف فلسطینوں نے مسترد کیا ہے بلکہ مختلف اور متضاد وجوہ کی بناء پر خود انتہائی دائیں بازو کے اسرائیلیوں نے بھی اسے ناقابلِ قبول قرار دے دیا ہے۔