وسعت اللہ خان بی بی سی اردو ڈاٹ کام، مانسہرہ

	جو زندہ رہ گئے ان کی زندگی بھی ہمیشہ کے لیئے بدل گئی

بیتالی سال حملہ آور رہے جملہ مسلمان
جدون، ترین تے قاضی اور گروپِ محمد عرفان

جبکہ مجاہد حسین نے نورجہاں کا مشہور گیت گائے گی دنیا گیت میرے، سریلے انگ میں، نرالے انگ میں گنگنایا تھا۔

دو روز قبل جب ایک برس کے وقفے سے میں دوبارہ ڈھاڈر مینٹل اسپتال پہنچا تو دیکھا کہ جس وارڈ کا جو ملبہ ایک سال پہلے پڑا تھا۔ آج بھی وہیں پڑا تھا۔ اس عرصے میں میرے شناسا شیر افضل کو گھر شفٹ کردیا گیا اور مجاہد حسین نے داڑھی بڑھا لی۔ میں نے مجاہد سے کہا کہ گائے گی دنیا گیت میرے۔ کہنے لگا مجھے کوئی گانا وانا نہیں آتا۔ بس ایک گانا آتا ہے۔ ٹوئنکل ٹوئنکل لٹل سٹار۔ آئی ایم دی گاربیج آفیسر آف اسلام آباد، پنڈی اینڈ ڈھاڈر لمیٹڈ آل سو۔۔۔۔۔۔۔۔۔

سال بھر میں بھی ملبہ نہ اٹھایا گیا  دو روز قبل جب ایک برس کے وقفے سے میں دوبارہ ڈھاڈر مینٹل اسپتال پہنچا تو دیکھا کہ جس وارڈ کا جو ملبہ ایک سال پہلے پڑا تھا۔ آج بھی وہیں پڑا تھا۔

کہنے لگا: ’پیاش، کھٹیاش کڈنگ۔ ہمیں تو اپنوں نے لوٹا غیروں میں کہاں دم تھا۔ میری کشتی وہاں ڈوبی جہاں پانی کم تھا۔ ڈینٹنگ پینٹنگ کرتے کرتے پہلے فوزیہ سے پھر نازیہ سے عشق ہوگیا۔ میرے بھائیوں نے مجھے ناجائزمارا پھر یہاں چھوڑ دیا۔ ایٹی وان ، لارجیکٹل سے نیند آ جاتی ہے۔ پہلے فوزیہ کی پھر نازیہ کی شادی ہوگئی۔ فوزیہ کے دو بچے ہیں۔ ہم چھڑے رہ گئے۔ اب میں تیرہ دن بعد یہاں سے جاؤں گا اور اپنا ہیلی کاپٹر بناؤں گا۔ اسے بچوں سمیت لے آؤں گا۔ پرویز مشرف کو کیا اعتراض ہے‘۔

نفسیاتی وارڈ کے انچارج محمد صدیق نے بتایا کہ زلزلے سے پہلے یہ سو بستروں کا ہسپتال تھا۔ اب صرف ساٹھ مریضوں کی گنجائش ہے کیونکہ جو دو بیرکیں سلامت ہیں ان میں مزید مریض نہیں رکھے جاسکتے۔ ہم پندرہ بیس دن سے زیادہ اپنے پاس مریض نہیں رکھ پاتے۔ اضافی مریضوں کو پشاور منتقل کرنا پڑتا ہے۔

	’مظفر آباد، گڑھی حبیب اللہ یا بالا کوٹ کے مقابلے میں ڈھاڈر خاصا سائڈ میں ہے۔ شاید اسی لیئے کسی کی نظر نہیں پڑتی‘

زلزلے سے متاثر علاقے کی تعمیرِ نو کے ذمہ دار ادارے ایرا کی کوئی ٹیم ڈھاڈر ہسپتال نہیں پہنچ سکی۔ ہسپتال کا بجٹ آج بھی قریباً پچیس لاکھ روپے سالانہ ہے۔ جس میں مریضوں کی دیکھ بھال، خوراک اور ادویات کے اخراجات بھی شامل ہیں۔

اپنوں نے مارا۔۔۔  پہلے فوزیہ سے پھر نازیہ سے عشق ہوگیا۔ میرے بھائیوں نے مجھے ناجائزمارا پھر یہاں چھوڑ دیا۔ ایٹی وان ، لارجیکٹل سے نیند آ جاتی ہے۔ پہلے فوزیہ کی پھر نازیہ کی شادی ہوگئی۔ فوزیہ کے دو بچے ہیں۔ ہم چھڑے رہ گئے۔ اب میں تیرہ دن بعد یہاں سے جاؤں گا اور اپنا ہیلی کاپٹر بناؤں گا۔ اسے بچوں سمیت لے آؤں گا۔ پرویز مشرف کو کیا اعتراض ہے۔ مینٹل ہسپتال کا مریض

اسی مینٹل ہسپتال کے بازو میں یو ایس ایڈ کی مدد سے ایک جدید سکول کی عمارت کھڑی کردی گئی ہے اور اب اسں پر رنگ و روغن کیا جارھا ہے تاکہ آٹھ اکتوبر کو اس کا افتتاح ہوسکے۔ روزانہ اس پروجیکٹ کے نگرانوں کو ایک ہیلی کاپٹر مینٹل ہسپتال کے اوپر سے گزرتا ہوا یہاں لاتا اور لے جاتا ہے۔

میں نے ڈاکٹر سردار بشیر سے کہا کہ آپ اس ہیلی کاپٹر کو دیکھ کر سفید جھنڈا کیوں نہیں لہرا تے۔ ڈاکٹر بشیر نے کہا کہ جہاں ترجیہات مختلف ہوں وہاں جھنڈا کون دیکھتا ہے اور ’مے ڈے مے ڈے‘ کی پکار کون سنتا ہے۔

ڈاکٹر بشیر سے یہ گفتگو جاری تھی کہ نفسیاتی مریضوں کے وارڈ سے ایک نہایت سریلا درد بھرا گیت نکلا۔

چھپ جاؤ تاریو پا دیو ہنیروے
اساں اس رات دی نئی ویکھنی سویر وے