منظور اعجاز واشنگٹن ڈائری

فائل فوٹو

مذہبی انتہا پسندی بھی شروع میں بظاہر جمعے کی چھٹی جیسے بے زرر عمل سے شروع ہوتی ہے اور پھر آخر میں فرقہ وارانہ منافرت جیسی گھناؤنی سماجی بیماری میں بدل جاتی ہے۔ شروع میں سیدھے سادھے شہریوں کو پتہ بھی نہیں چلتا کہ کیا ہورہا ہے اور جب پتہ چلتا ہے تو وقت ہاتھ سے نکل چکا ہوتا ہے۔

عام امریکیوں کو بھی ابھی سمجھ میں نہیں آرہا کہ مذہبی انتہا پسندی کی آکاس بیل آہستہ آہستہ ان کے سماجی پیڑوں کو نگلنا شروع ہو چکی ہے۔ ابھی نیوز ویک سے شروع ہونے والی قرآن کی بے حرمتی کی کہانی مکمل نہیں ہوئی تھی کہ شمالی کیرولائنا کی ریاست میں ایک پادری نے اس سلسلے کو آگے بڑھا دیا ہے۔ اس نے ایک بورڈ چرچ کے باہر نصب کیا ہوا ہے جس پر لکھا ہوا ہے کہ ’قرآن کو ٹائیلٹ میں ہی بہایا جانا چاہئیے۔‘

پادری کی حرکت اشتعال انگیز بھی ہے اور افسوسناک بھی۔ اس سی زیادہ اہم وہ بیانات ہیں جو

’میرا ایمان ہے کہ یہ بیان خدا کے کلام (بائبل) کی حمایت کے لیے ہے جس کے مطابق ہر وہ مذہبی کتاب غلط ہے جو کہ یسوع علیہ االسلام کو 66 پاروں پر مشتمل کتاب (بائیبل) کے مطابق مسیحا اور ذریعہ شفا نہیں مانتی۔ پادری لولیس

اگرچہ بہت سے عیسائی بھی اس حرکت پر ناخوش ہیں اور یہ موضوع اس علاقے میں شدید بحث کا موضوع بنا ہوا ہے لیکن کوئی بھی اس معاملے کی سنجیدگی پر غور نہیں کر رہا ۔

پاکستان میں بھی جب مذہبی منافرت کا سلسلہ شروع ہوا تھا تو بہت سے لوگ سمجھتے تھے کہ چند معمولی تبدیلیوں سے انتہا پسند مطمئن ہو جائیں گے لیکن ایسا نہ ہوا ہے اور نہ ہی ہوگا۔ امریکہ کا بھی حکمران طبقہ سمجھ رہا ہے کہ وہ بائیبل بیلٹ کے کٹر عیسائیوں کو خوش کر کے سکون سے حکومت چلاتے رہیں گے لیکن ایسا ہو گا نہیں۔ ہوگا یہ کہ آج مسلمانوں کی باری ہے تو کل کسی اور غیر عیسائی مذہب کی ہوگی اور پھر اس کے بعد ایک فرقہ دوسرے فرقے کے خلاف جنگ آزما ہو جائے گا۔

امریکہ میں آنے والے زمانے کے عنوان دیکھنے ہوں تو پادری موصوف کے اس دعوے پر غور کیجئیے جس میں انہوں نے کہا ہے کہ ہر وہ کتاب یا مذہب جو بائبل نہیں ہے لوگوں کو گمراہ کر رہا ہے۔ بلکہ پادری موصوف فرماتے ہیں کہ اگر قرآن کے خلاف بورڈ لگانے سے کسی کو کوئی تکلیف ہوئی ہے تو ان کا مقصد حل ہو گیا ہے کیونکہ اس کا مطلب ہے کہ انہوں نے کوئی اچھا کام کیا ہے۔

پاکستان کی پچھلی پینتیس سال کی تاریخ کے جاننے والوں کو امریکہ کی موجودہ صورت حال شناسا لگنا چاہئے۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
پاکستانیوں کو امریکہ کا یہ پہلو بھی شناسا لگنا چاہئیے

امریکی فوج کے بارے میں لکھی ہوئی رپورٹیں محکمہ دفاع میں ایڈٹ کی جاتی ہیں۔

نیوزویک کے صحافی مائیکل آئساکوف نے تسلیم کیا ہے کہ کہ انہوں نے نیوزویک کی قرآن کی بے حرمتی کے بارے میں کہانی پہلے امریکی محکمہ دفاع کو دکھائی تھی اور انہوں نے اس کے قرآن والے حصے پر اعتراض نہیں کیا تھا بلکہ کچھ اور باتیں بتائی تھیں۔ وہ ایک مشہور ٹی وی کمپیئر چارلی روز کو انٹرویو دی رہے تھے۔ جناب آئیساکوف کے بیان سے یہ صاف ظاہر ہے کہ امریکی فوج کے بارے میں لکھی ہوئی رپورٹیں محکمہ دفاع میں ایڈٹ کی جاتی ہیں۔

جناب آئساکوف نے مزید کہا کہ ان کو اس خبر دینے والے سے مزید اطلاعات اکٹھا کرنا چاہئیے تھا لیکن انہوں نے وہ موقع ضائع کر دیا۔ انہوں نے اس سلسلے میں انسانی جانوں کے ضیاع پر افسوس کا اظہار کرتے ہوئے کہا کہ کاش ایسا نہ ہوتا۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
پچھلے دنوں پاکستان کے جاری کئے گئے افراط زر کے اعداد و شمار

پاکستان کی 11/9 کے بعد شروع ہونے والی عیش کی پارٹی اختتام پر آگئی ہے اور آئندہ حالات خراب ہوں گے۔ عالمی بینک کے ماہر

افراط زر پر تبصرہ کرتے ہوئے عالمی ادارے کے ایک کہنہ مشق معیشت دان نے کہا کہ پاکستان کے سٹیٹ بینک نے سود کی شرح نیچے رکھنے کے لیے دولت کی سپلائی بہت زیادہ بڑھائے رکھی ہے۔ اس سے شرح سود تو نیچے آگئی لیکن افراط زر بڑھ گیا ہے اور اب اس میں مزید اضافہ ہوتا جائے گا۔

انہوں نے کہا کہ گورنر عشرت حسین کا یہ مفروضہ بھی نا قابل عمل ہے کہ شرح سود نیچے رکھنے سے ملک میں سرمایہ کاری میں اضافہ ہوتا ہے۔ سرمایہ کاری کو بہت سے عوامل متاثر کرتے ہیں اور شرح سود ان میں ایک معمولی عنصر ہے۔ اگر ملک میں سیاسی استحکام کی وہ حالت ہو جو پاکستان میں ہے ضفر شرح سود پر بھی کوئی سرمایہ کاری نہیں کرے گا۔

عالمی ادارے کے اس ماہر کا خیال ہے کہ چند مہینوں میں شرح سود پندرہ فیصد ہو جائے گی۔ مزید برآں تجارت کا خسارہ پانچ ارب سے تجاوز کر جائے گا۔ ان کا کہنا ہے کہ پاکستان کی 11/9 کے بعد شروع ہونے والی عیش کی پارٹی اختتام پر آگئی ہے اور آئندہ حالات خراب ہوں گے۔