ساجد حسین پارا چنار، پاکستان

ساجد حسین ماحولیات میں ایم ایس سی کے طالب علم ہیں

دیہاتوں میں رہنے والے غریب لوگوں کی زندگی پر اس کا اثر زیاد ہے۔ پانی کی کمی، غیرمحفوظ غذاء، پانی اور فضا میں آلودگی، غیرمعیاری رہائش گاہ، وغیرہ پھیلنےوالی بیماریوں کی اہم وجوہات ہیں۔ لگ بھگ پچیس فیصد وہ بیماریاں جن سے روک تھام کے ذریعے بچا جاسکتا ہے خراب ماحولیاتی حالات کی وجہ سے پیدا ہوتی ہیں، مثال کے طور پر سانس اور پیٹ کی بیماریاں۔ دو تہائی وہ بیماریاں جو خراب ماحولیاتی صورتحال کی وجہ سے ہوتی ہیں اور جن سے روک تھام کے ذریعے بچاجاسکتا ہے بچوں میں ہوتی ہیں۔

پانی میں آلودگی ایک اہم مسئلے کے طور پر ابھر کر آیا ہے۔ جنوبی ایشیا، بالخصوص ہندوستان اور پاکستان، اور جنوب مشرقی ایشیا وہ خطے ہیں جہاں پانی میں آلودگی ایک بڑا مسئلہ ہے۔ دریا جیسے چین میں یلو، انڈیا میں گنگا، پاکستان میں راوی، وسطی ایشیا میں سیردریا، وغیرہ میں سب سے زیادہ آلودگی ہے۔ اس خطے کے ترقی پزیر ممالک میں فیکٹریوں کے کیمیائی اور دیگر آلودگی، نالے کا گندہ پانی، وغیرہ ان دریاؤں میں خارج کیے جاتے ہیں۔ اقوام متحدہ کے مطابق نیپال کی ندیوں میں آلودگی حد سے زیادہ ہے اور ان کے پانی پینے کے قابل نہیں۔ کٹھمنڈو میں پینے کے پانے میں بھی آئرن، بیکٹریا، امونیا وغیرہ پائے گئے ہیں۔

پانی میں آلودگی انسانی صحت کو متاثر کررہی ہے۔ ہندوستان کی ریاست مغربی بنگال اور بنگلہ دیش میں زمین کے پانی میں آرسینِک سے آلودگی ستر گنا زیادہ بڑھ گئی ہے۔ کولرا، ٹائفائیڈ، ڈائریا، ہیپاٹائٹس وغیرہ جیسی بیماریاں پانی میں آلودگی کی وجہ سے ہورہی ہیں۔ کولرا کئی ممالک میں پھیلا ہوا ہے بالخصوص افغانستان، پاکستان، چین اور ہندوستان میں جہاں صفائی سے متعقل بنیادی سہولیات مہیا نہیں ہیں۔

گزشتہ چند عشروں میں کئی ممالک نے پانی کی کوالٹی کو بہتر بنانے کی کوششیں شروع کی ہیں۔ کولرا، ڈائریا، ہیپاٹائٹس، ٹائفائیڈ وغیرہ جیسی بیماریاں روکنے کے لئے پانی کی آلودگی کو ختم کرنا زیادہ ضروری ہے۔

نوٹ: بی بی سی اردو ڈاٹ کام پر ’آپ کی آواز‘ کے تحت اگر آپ اپنے علاقائی مسائل کے بارے میں لکھنا چاہتے ہیں تو لکھ بھیجیں۔