شکیل اختر
بی بی سی اردو ڈاٹ کام، د لی |  |
| | | منگل کو بائیں بازو کی جماعتوں نے حکومت سے حمایت واپسی کا اعلان کیا تھا |
منموہن سنگھ حکومت سے حمایت واپس لینے کے بعد بائیں محاذ نے حکومت سے مطالبہ کیا ہے کہ وہ جوہری توانائی کے عالمی ادارے آئی اے ای اے کے ساتھ معاہدے کے متن کو جاری کرے۔ مارکسی کمیونسٹ پارٹی کے سینئر لیڈر پرکاش کرات نے صدر مملکت کو حمایت واپسی کا خطوط سونپنے کے بعد ایک نیوز کانفرنس سے خطاب کرتے ہوئے کہا کہ معاہدے کا مسودہ قطعی طور پر خفیہ دستاویز نہیں ہے۔ ’حکومت اس دستاویز کو چھپا رہی ہے جس کے تحت ملک کے جوہری ری ایکٹر دائمی طور پر بین الاقوامی معائنے کے دائرے میں آ جائیں گے۔‘ ہندوستان میں کمیونسٹ پارٹی کے مقتدر رہمناء اور مغربی بنگال کے سابق وزیر اعلی جیوتی باسو نے ہند امریکہ جوہری معاہدے پر جو حالات پیدا ہوئے ہیں اس پر اپنی ناخوشی کا اظہار کیا ہے۔ | بائیں بازو جماعتوں کو مشورہ  میں چاہتا ہوں کہ میرے ساتھی جوہری معاہدے کی مخالفت کریں لیکن انہیں حکومت کے حمایت سے دستبردار نہیں ہونا چاہیے کیونکہ یہ قدم ہندو نواز سیاسی جماعتوں کے لیے بہت مدد گار ثابت ہوگا۔  جیوتی باسو |
پچانوے سالہ جیوتی باسو نے بائیں بازو کو نہایت ہی احتیاط کے ساتھ کام لینا چاہیے کیونکہ ’ہماری کوئی بھی غلطی مذہبی سخت گیروں کے لیے فائدہ مند ثاہت ہوسکتی ہے۔‘ پرکاش کرات نے الزام عائد کیا کہ موجودہ سیاسی بحران کےلیے حکومت ذمہ دار ہے’ ایسے وقت میں جب عوام زبردست مہنگائی کی مار جھیل رہے ہیں اور مہنگائی پر قابو پانے کے لیے اقدامات کرنے کی ضرورت تھی یہ حکومت صدر بش کو خوش کرنے میں لگی ہے۔‘
| سنگھرش جاری ہے جوہری معاہدہ کے خلاف جد و جہد ختم نہیں ہوئی ہے اور ہم اس مجوزہ جوہری معاہدہ کے خلاف جہدوجہدجاری رکھیں گے اور ہمیں امید ہے کہ یہ معاہدہ نہیں ہو سکے گا پرکاش کرات، سی پی ایم جنرل سیکریٹری |
انہوں نے کہا کہ جوہری معاہدہ کے خلاف جد و جہد ختم نہیں ہوئی ہے’ہم اس مجوزہ جوہری معاہدہ کے خلاف جدوجہد جاری رکھیں گے اور ہمیں امید ہے کہ یہ معاہدہ نہیں ہو سکے گا۔‘ بائیں محاذ نے صدر مملکت پرتیبھا پاٹل کو دیئےگئے خط میں اپنی حمایت واپس لینے کی اطلاع دینے کے ساتھ ساتھ ان سے درخواست کی ہے کہ وہ حکومت سے جلد سے جلد اعتماد کا ووٹ حاصل کرنے کے لیے کہیں۔ | 
جوہری معاہدے کے نشیب و فراز
