سوموار کو ایک ٹرین حادثے کا شکار ہوگئی تھی

ریلوے حکام کے مطابق دھماکے میں استعمال ہونے والا دھماکے خیز مواد ایک بیگ میں چھپایا گیا تھا اور مسافر بوگی میں چھوڑ دیا گیا تھا۔

اس سے قبل سوموار کو بھی اسام سے دہلی آنے والی ایک ٹرین پڑی سے اتر گئی تھی اور اس واقعہ میں بھی حکام شر پسندی کے عنصر کو تکسر مسترد نہیں کر رہے تھے۔

ہمارے نامہ نگار سبھیر بھومک کو ریلوے کے ترجمان ترکھل ربہا کو بتایا کہ دہلی آنے والی راجہ دہانی ایکسپریس میں چونگنجن ریلوے اسٹیش کے قریب بھارتی وقت کے مطابق صبح دو بجے ہوا۔

اس دھماکے میں دو افراد موقعہ پر ہی ہلاک ہو گئے جب کہ پانچ شدید زخمیوں کے علاوہ بہت سے دوسرے مسافربھی معمولی طور پر زخمی ہوئے ہیں۔

آسام میں سرگرم کسی بھی علیحدگی پسند گروپ نے اس دھماکے کی ذمہ داری قبول نہیں کی ہے۔

سوموار کو ہونے والا حادثہ بھرمپترا میل میں نجباری کے قریب ہوا تھا اور اس میں ایک شخص ہلاک ہو گیا تھا۔ اس حادثے میں دہشت گردی کو مسترد نہیں کیا گیا تھا کیونکہ اس مسافر ٹرین کے ذریعے آسام میں تعینات بھارتی فوج کے اہلکار اکثر چھٹیوں کے دوران سفر کرتے ہیں۔