پرتیبھا پاٹل ریاست راجستھان کی گورنر ہیں

صدارتی انتخاب کے لیے 19 جولا‏‏ ئی کی تاریخ طے کی گئ ہے۔ پرتیبھا پاٹل ابھی ریاست راجستھان کی گورنر ہیں۔

پاٹل کی نامزدگی کے بارے میں ترقی پسند محاذ یعنی یوپی اے کی چیئر پرسن سونیا گاندھي نے جمعرات کی شام صحافیوں کو بتایا۔ اگر پرتیبھا پاٹل صدارتی انتخابات جیت جاتی ہیں تو وہ ملک کی پہلی خاتون صدر کے طور پر حلف اٹھائيں گی۔

72 سالہ پرتیبھا پاٹل ایوان بالا راجیہ سبھا کی ڈپٹی چیئرپرسن بھی رہ چکی ہیں۔ گزشتہ تین برس سے وہ ریاست راجستھا کی گورنر کے عہدے پر فائز ہیں۔

اگلے ماہ ملک میں صدارتی انتخابات ہونے والے ہیں لیکن گزشتہ کئی روز سے یوپی اے کے امیدوار کو لیکر سیاسی حلقوں میں سرگرمیاں جاری تھیں۔ بائيں بازوں کی جماعتیں کانگریس کی جانب سے دیے گئے امیدواروں کے نام سے اتفاق نہیں کر رہی تھیں۔

صدارتی انتخابات کے لیے کانگریس کی فہرست میں وزیر داخلہ شوراج پاٹل، اور سیئنر کشمیری لیڈر کرن سنگھ کے نام سب سے اوپر تھے لیکن بایاں محاذ ان ناموں کی مخالفت کر رہا تھا۔

لیکن بعد میں تامل ناڈو کے وزیر اعلی کرونانیدھی نے کانگریس اور بائيں بازوں کے رہنماؤں سے الگ الگ مذاکرات کر کے اتفاق رائے بنانے میں ایک اہم کردار ادا کیا۔