نادیہ پرويز بی بی سی اردو ڈاٹ کام، دلی

	ہندوستانی حکومت کی تفتیشی رپورٹ کا انتظار کر رہے ہیں

اس موقع پر صحافیوں سے بات کرتے ہوئے انہوں نے کہا کہ ان دھماکوں نے ایک بار پھر یہ واضح کر دیا ہے کہ دہشت گردی ایک عالمی لعنت بن چکی ہے اور دونوں ملکوں کو اس سے نمٹنے کے لیے بامعنی باہمی تعاون کی ضرورت ہے۔

سمجھوتہ ایکسپریس کے دھماکوں کے سسلسلے ميں انہوں نے کہا ’ہم ہندوستان کی حکومت کی تفتیشی رپورٹ کا انتظار کر رہے ہیں‘۔

انہوں نے بتایا کہ ہندوستانی وزیر اعظم منموہن سنگھ نے وزیر اعظم شوکت عزیز سے ہونے والی بات چیت میں اس بات کی یقین دہانی کرائی ہے کہ سمجھوتہ ایکسپریس کو پیش آنے والے واقعہ کی تفتیش سے پاکستان کو آگاہ کیا جائے گا۔

خورشید قصوری کا کہنا تھا ’پاکستان کو بھی اس معاملے کی تفتیش اور اس کے ذمہ دار لوگوں کے بارے میں اتنی ہی دلچسپی ہے جتنی ہندوستان کو‘۔

ایک سوال کے جواب میں انہوں نے کہا ’میں نہيں کہہ سکتا کہ سمجھوتہ ایکسپریس کے واقعہ میں ملوث افراد ہندو ہیں یا مسلم، تحقیقات سے پہلے یہ کیسے کہا جا سکتا ہے۔ ہندوستان کی حکومت معاملے کی تحقیقات کر رہی ہے اور مجھے نہیں لگتا ہے کہ اس میں کسی ہندو یا مسلمان کا نام لینے کی ضرورت ہے‘۔

آخر میں انہوں نے کہا کہ وہ دونوں ملکوں کے درمیان جاری امن کے عمل اور باہمی مذاکرات کو آگے بڑھانے کے لیے آئے ہیں۔