عبد الواحد آزاد دِلّی

	ہندوستان میں لوگ بڑھتی ہوئی قیمتوں سے پریشان ہیں

دارالحکومت دِلی میں اب پیٹرول فی لیٹر 42 روپے 85 پیسے اور ڈیزل تیس روپے 25 پیسے میں فروخت ہوگا۔

قیمتوں میں کمی کرنے کا فیصلہ وزیر اعظم منموہن سنگھ، وزیر خزانہ پی چدمبرم اور پیٹرولیم کے وزیر مرلی دیوڑا کے درمیان ایک میٹنگ میں کیا ہے۔

دیگر ریاستوں میں مقامی ٹیکس کی مناسبت سے پیٹرول اور ڈیزل کی قیمتیں ایک روپے سے پانچ روپے تک زیادہ ہوتی ہیں۔ قیمتوں میں تخفیف سے وہاں بھی اسی مناسبت سے کمی ہو گی۔

حکومت نے پیٹرول کی قیمتوں میں حالیہ مہینوں میں دوسری بار کمی کی ہے۔ اس سے قبل عالمی بازار میں پیٹرولیم منصوعات کی قیمتوں میں کمی کے بعد گزشتہ برس نومبر میں بھی پٹرول اور ڈیزل کی قیمتوں میں کمی کی گئی تھی۔

حکومت نے اب یہ کمی ایک ایسے وقت میں کی ہے جب کھانے پینے اور روز مرّہ کے استعمال کی دیگر اشیاء کی قیمتوں میں زبردست اضافہ ہوا ہے اور عام لوگ کافی پریشان ہیں۔

حکومت بھی قیمتوں پر قابو پانے کے لیے کئی اقدامات کر رہی ہے۔ حزبِ اختلاف کی جماعتوں نے مہنگائی کے سوال پر حکومت پر شدید نکتہ چینی کی ہے اور حکومت کے خلاف مہم شروع کی ہے۔