سنیچر کی صبح ایک بڑی تعداد میں عقیدت مند مندر کے دروازے پر جمع ہوگئے تھے

حکام کے مطابق زخمی ہونے والوں میں تین کی حالت نازک ہے۔

اتوار کے روز جگن ناتھ مندر ميں خصوصی پوجا ہے ۔ اس پوجا میں شرکت کرنے کے لئے ہزاروں عقیدت مند جگنناتھ مندر پہنچ چکے ہیں۔ اس خصوصی پوجا کے دوران رات بھر دیوی دیوتاؤں کی زیارت کے لئے مندر کے دروازے کھلے رہتے ہیں۔

لیکن جمہ کی رات مندر انتظامیہ نے مندر کے دروازے بند کردیئے جس کے سبب سنیچر کی صبح ایک بڑی تعداد میں عقیدت مند مندر کے دروازے پر جمع ہوگئے۔

اس دوران سبھی عقیدت مندوں نے جب ایک ساتھ مندر میں داخل ہونے کی کوشش کی تو وہاں بھگدڑ مچ گئی۔

جگنناتھ مندر کے انتظامیہ اور آئی اے ایس افسر سریش مہاپاتر نے بتایا ہے کہ سنیچر کے روز مندر انتظامیہ کی ایک خصوصی میٹنگ بلائی گئی ہے جس میں اس حادثے کی وجوہات کے بارے میں بات چیت کی جاۓ گی۔

فی الحال بھگدڑ کے سبب ہونے والی اموات کی وجہ سے مندر میں جاری پوجا کی تیاروں اور ديگر سرگرمیوں کو روک دیا گیا ہے۔

مندر انتظامیہ مستقبل میں عقیدت مندوں کی بڑی تعداد کو سنبھالنے اور ایسے حادثوں سے نمٹنے کے لئے نئے اقدامات کرنے پر غور کر رہی ہے۔