بوئینگ کو 10 نئے جہازوں کا آرڈر

یہ آرڈر 637 ملین ڈالر کی مالیت کا ہے۔ آرڈر کیئے گئے پہلے بوئنگ 737 کی وصولی اگلے سال متوقع ہے۔ سپائس جیٹ ایئر لائن اپنی ملکی پروازیں اس سال مئی میں تین کرائے کے بوئینگ جہازوں کے ساتھ شروع کرنے کا ارادہ رکھتی ہے۔

منگل کے روز ایک اور بھارتی سستی ہوائی کمپنی، ائیر ڈیکن نے اعلان کیا ہے کہ وہ فرانسیسی طیارہ ساز کمپنی، ایویونز ڈی ٹرانسپورٹ ریجینل سے 30 نئے جہاز خرید رہی ہے۔

دریں اثناء ایک بین الاقوامی فضائی نمائش، ایرو انڈیا، جنوبی بھارت کے شہر بینگلور کے قریب شروع ہوئی ۔ اس نمائش میں کئی امریکی کمپنیاں بھارت کی شہری اور فوجی فضائی مارکیٹ سے کاروبار حاصل کرنے کی خواہش میں حصہ لے رہی ہیں۔

نامہ نگاروں کا کہنا ہے کہ گزشتہ چند سالوں میں امریکہ اور بھارت کے تعلقات میں بہتری کے نتیجے میں امریکی کمپنیوں کے لیے بھارت میں کاروباری امکانات میں اضافہ ہوا ہے خاص طور پر بھارت کی فوجی طیاروں کی مارکیٹ میں۔

روائیتی طور پر بھارت کے فوجی سازوسامان میں 70 فیصد سے زیادہ سوویت یا روسی ساخت کا ہے۔

اس نمائش کا آغاز بھارت کی فضائیہ کے طیاروں کی پرواز سے کیا گیا جن میں ہیلی کاپٹر، ایک روسی فضاء میں تیل بھرنے والے جہاز اور ایک بھارتی ساختہ ہلکے جنگی طیارے سے کیا گیا۔