شنکر اچاریہ ہندوستان کے ایک اہم مذہبی رہنما ہیں

آچاریہ جیئندر سرسوتی جنوبی ہندوستان کے ایک بہت ہی قدیم کانچی پورم مندر کے روحانی رہنما ہیں اور ان کو قتل کے الزام میں گرفتار کیا گیا تھا۔ آچاریہ جیئندر سرسوتی کو عدالت نے ضمانت پر رہائی کا حکم دیا ہے۔

ایسی اطلاعات بھی ہے کہ اس مذہبی گروپ کے بینک اکاونٹ منجمند کر دیئے گئے ہیں لیکن حکام نے اس کی تصدیق نہیں کی ہے۔

جیندرا سرسواتی کانچی شنکارا مت کے ایک وکیل کے مطابق تنظیم کے ایک سو تراسی اکاونٹ منجمند ہو چکے ہیں۔

تنظیم کے عہدیداروں کا کہنا ہے کہ پولیس نے چندہ دینے والے کئی لوگوں سے پوچھ گوچھ کی ہے جس کی وجہ سے لوگ اب اس تنظیم کو چندہ دینے سے گھبرانے لگے ہیں جس سے ادارے کے لیے مالی مشکلات میں اضافہ ہو گیا ہے۔

جیئندر سرسوتی کی گرفتاری عبوری شنکر اچاریہ بننے والے وجیندرا کو گرفتار کر لیا گیا ہے۔

ہندو مذہب میں سمتوں کی مناسبت سے جنوب، شمال، مشرق اور مغرب کے چار شنکر آچاریہ ہوتے ہیں۔ ہر شنکر آچاریہ اپنے علاقے کی مناسبت سے ہندوسماج کی مذہبی قیادت کرتا ہے۔ آچاریہ جیئندر سرسوتی کا تعلق جنوبی بھارت سے ہے لیکن پورے ملک میں ان کی شہرت سب سے زيادہ ہے اور ان کے کئی سیاسی جماعتوں کے بڑے رہنماؤں سےگہرے تعلقات ہیں۔