شکیل اختر بی بی سی اردو ڈاٹ کام، دلّی

الیکشن کمیشن آفس

چیف الیکشن کمیشنر ٹی ایس کرشنا مورتی نے بتایا ہے کہ مہاراشٹر میں 24 اکتوبر تک انتخابی عمل مکمل ہو جائے گا اور نئی حکومت اقتدار سنبھال لے گی۔

ان اسمبلی انتخابات کے ساتھ لوک سبھا کی چار سیٹوں کے لۓ بھی 13 اکتوبر کو ووٹ ڈالے جائیں گے۔

نامزدگیاں داخل کرنے کا سلسلہ آئندہ ماہ کے وسط سے شروع ہو جائے گا۔ انتخابات کی تاریخوں کی اطلاعات کے ساتھ ہی ان دونوں ریاستوں میں انتخابی ضابطۂ عمل کا نفاذ ہو گیا ہے۔

ریاست مہاراشٹر سیاسی اعتبار سے انتہائی اہم ریاست ہے۔ وہاں کانگریس اور نیشنلسٹ کانگریس پارٹی کی مخلوط حکومت ہے۔ بی جے پی اور شیو سینا مل کر کانگریس کے اتحاد کا مقابلہ کریں گی۔ یہاں کے انتخاب کے نتائج کی بنیاد پر ہی بی جے پی اور گانگریس قومی سطع پر اپنی اپنی مستقبل کی حکمت عملی وضع کریں گی۔