بی جے پی کے صدر ونکیا نائڈو

بی جے پی کے صدر ایم ونکیا نائڈو نے پارٹی کی نئی قومی ایگزیکٹو کمیٹی تشکیل دی ہے اور مختلف عہدوں پر نئے لوگوں کو نامزد کیا گیا۔

اگزیکٹو کمیٹی اٹھہتر ارکان پر مشتمل ہے جن میں بیس نئے رکن شامل ہیں۔

پرمود مہاجن، راج ناتھ سنگھ اور ارون جیٹلی جیسے سینیئر رہنما پارٹی کے جنرل سکریٹری رہیں گے جبکہ کلیان سنگھ، بال اپتے اور بابولال مراندی کو بی جے پی کا نائب صدر مقرر کیا گیا ہے۔

سابق وزیر شاہنواز حسین کو بھی پارٹی کا جنرل سکریٹری مقرر کیا گیا ہے۔

ونکیا نائڈو نے بی جے پی کی مرکزی الیکشن کمیٹی اور پارلیمانی بورڈ کی بھی تشکیلِ نو کی ہے۔

بی جے پی کی نئی الیکشن کمیٹی کا اجلاس آٹھ جون کو متوقع ہے۔