انتخابی نتائج کے مطابق کانگریس اور اس کے اتحادی حکومت سازی کی پوزیشن میں آ گئے ہیں

ہندوستان کے چودھویں عام انتخابات میں کانگریس کے کامیابی کے بعد اپنے پہلے ردِ عمل میں انہوں نے کہا کہ ان جماعت شروع سے ہی پاکستان کے ساتھ مذاکرات سے متعلق وزیر اعظم واجپئی کے اقدامات کی حمایت کرتی رہی ہے۔

انہوں نے کہا کہ ان کی پارٹی ہندوستان میں ایک مضبوط، مستحکم اور سیکولر حکومت کی تشکیل کرے گی۔

اب تک کے نتائج کانگریس اور اتحادی: 215 بی جے پی اور اتحادی: 181 دیگر:136 نیشنل انفارمیٹکس سینٹر

انہوں نے واضح طور پر یہ دعویٰ تو نہیں کیا کہ وہ ملک کی وزیر اعظم بن رہی ہیں لیکن اس طرف اشارہ کیا کہ ایسا سو بھی سکتا ہے۔

دلی میں ایک پریس کانفرنس سے خطاب کرتے ہوئے انہوں نے کہا کہ ان کی جماعت اختتام ہفتہ تک وزارت عظمیٰ کے امیدوار کے بارے میں فیصلہ کر لے گی۔

انہوں نے کہا کہ کانگریس اور اس کی اتحادی جماعتوں کے ٹکٹ پر منتخب ہونے والے نومنتخب ارکان ایک پارلیمانی لیڈر کا انتخاب کریں گے۔

جب ان سے پوچھا گیا کہ یہی پارلیمانی لیڈر ملک کا نیا وزیر اعظم ہو گا تو انہیں نے کہا کہ عام طور پر ایسا ہی ہوتا ہے۔

سبقت کانگریس اور اتحادی: 1 بی جے پی اور اتحادی:5 دیگر:1 نیشنل انفارمیٹکس سینٹر

کانگریس اور اس کے اتحادی دو سو پندرہ نشستوں پر پہلے ہی کامیابی حاصل کر چکے ہیں جبکہ ایک مزید نشست پر اس کے حامی امیدوار سبقت حاصل کئے ہوئے ہیں۔

اس کے مقابلے میں بی جے پی اور اس کے اتحادی ایک سو اکیاسی سیٹوں پر پہلے ہی فاتح قرار دیئے جا چکے ہیں جبکہ وہ پانچ مزید نشستوں پر آگے ہیں۔

بائیں بازو کی جماعتوں سمیت دیگر امیدواروں نے ایک سو چھتیس سیٹوں پر کامیابی حاصل کی ہے جبکہ وہ ایک نشستوں پر آگے ہیں۔

اگر سونیا گاندھی وزیر اعظم بننے میں کامیاب ہو گئیں تو وہ نہرو خاندان کی چوتھی رکن ہوں گی جو اس عہدے تک پہنچنے میں کامیاب ہوئی۔

مبصرین کے خیال میں اگر کانگریس بائیں بازو کی جماعتوں کی حمایت حاصل کرنے میں کامیاب ہو گئی تو وہ آسانی سے 269 ارکان کے ساتھ سادہ اکثریت حاصل کر لے گی۔

مبصرین کا کہنا ہے کہ اگر اترپریش کے وزیر اعلیٰ ملائم سنگھ کی سماج وادی پارٹی نے بھی کانگریس کا ساتھ دینے کا فیصلہ کیا تو سونیا گاندھی کو تین سو سے زیادہ ارکان کی بھی حمایت حاصل ہو سکتی ہے۔