حصص بازار میں استحکام بحال

اس سےقبل حصص، بانڈز اور روپیہ جمعرات کو ٹریڈنگ کے آغاز میں ہی اس تشویش کے بعد گر گئے تھے کہ اب ریاستی اثاثوں کی نیلامی اور اصلاحات کے عمل میں تاخیر ہو جائے گی۔

ووٹوں کی گنتی کے نتائج کے آتے ہی حصص گزشتہ دو ہفتوں کے مقابلے میں 10 فیصد گر گئے اور روپے کی قیمت میں 3 فیصد کمی آ گئی۔

جمعرات کو بمبئے سٹاک ایکسچینج کی سینسیکس انڈکس دن کے آغاز میں ہی 4 فیصد گرنے کے بعد 1.8 فیصد پر آ گئی۔

دنیا کی سب سے بڑی جمہوریت میں گزشتہ پیر کو ووٹنگ تین ہفتے جاری رہنے کے بعد ختم ہوئی تھی۔ انتخابات میں کل 675 ملین ووٹروں میں سے 56 فیصد ووٹروں نے ووٹ ڈالے۔

وزیراعظم اٹل بہاری واجپئی نے مقررہ تاریخ سے چھ مہینے قبل ہی انتخابات کروائے تھے جو فیصلہ ان کے خلاف گیا۔

بھارت کی حزبِ اختلاف کی جماعت کانگریس نے پورے نتائج آنے سے پہلے ہی جیت کی خوشیاں منانا شروع کر دی ہیں۔