عارف وقار
بی بی سی اردو ڈاٹ کام، لاہور |  |
| | | نعیم ہاشمی کو ہم سے جدا ہوئے آج پورے تیس برس ہو گئے ہیں |
پاکستان میں کسی راہ چلتے آدمی سے سوال کیجئے کہ پچھلے پچاس برسوں کے دوران سب سے مقبول فلمی نعت کونسی رہی ہے۔
فوراً جواب ملے گا:
شاہِ مدینہ!
یثرب کے والی
سارے نبی تیرے در کے سوالی۔ لوگوں کی اکثریت کو اس نعت کی دُھن بھی یاد ہے لیکن بہت کم لوگوں کو اس بات کا علم ہے کہ یہ نعت اداکار نعیم ہاشمی کی لکھی ہوئی ہے۔ نعیم ہاشمی کو ہم سے جدا ہوئے آج پورے تیس برس ہو گئے ہیں۔ (وفات 27اپریل 1976 ) وہ ایک اداکار ہی نہیں، اعلٰی درجے کے قلمکار بھی تھے اور انھیں فلم کے کئی شعبوں میں اوّلیت کا شرف بھی حاصل ہوا لیکن قسمت نے کچھ مقامات پر اُن کا ساتھ نہ دیا اور اعزاز کسی اور کی جھولی میں جا گرا۔ مثلاً پاکستان کی سب سے پہلی فلم بھی دراصل نعیم ہاشمی نے پروڈیوس کی تھی جو کہ کشمیر کی تحریکِ آزادی کے بارے میں تھی لیکن ’انقلابِ کشمیر‘ نامی اِس فلم کا لاہور کے رٹز سینما میں ابھی پہلا ہی شو ہوا تھا کہ سیاسی وجوہ سے اِس کی نمائش پر پابندی لگا دی گئی۔ | | | نعیم ہاشمی اور محمد علی فلم انجان میں |
یہ امر دلچسپی سے خالی نہیں کہ 1948 میں بننے والی مختصر دورانیئے کی اس فیچر فلم کے مقابل بھارت نے بھی ’انقلابِ کشمیر‘ نام کی ایک فلم پروڈیوس کی جو کہ 1949 میں نمائش کے لئے پیش ہوئی۔ بھارتی فلم کا پرنٹ آج تک محفوظ ہے لیکن پاکستانی فلم کا ریکارڈ محض چند کاغذی دستاویزات کی شکل میں ہی باقی رہ گیا ہے۔ یہ بات قابلِ ذکر ہے کہ سردار ابراہیم جو بعد میں آزاد کشمیر کے صدر بنے اس فلم میں ایک اداکار کے طور پر نمودار ہوئے تھے۔ پاکستان کا قومی ترانہ تو 1954 میں تیار ہوا تھا لیکن اس سے پہلے چھ سات برس تک سنیما گھروں میں ایک اور ترانہ گونجا کرتا تھا جسکے بول تھے: سلام اے قائدِاعظم تِری عظمت ہے پائندہ
ترا پرچم ہے تابندہ، ترا پیغام ہے زندہ یہ مِلّی نغمہ نعیم ہاشمی نے اپنی فلم انقلابِ کشمیر کے لئے لکھا تھا اور اسے کسی مشہور سِنگر نے نہیں بلکہ اردو کے درویش صفت شاعر ساغر صدیقی نے گایا تھا۔ نعیم ہاشمی کو یہ اعزاز بھی حاصل ہے کہ قیامِ پاکستان کے بعد لاہور میں سب سے پہلا سٹیج ڈرامہ انھوں نے پیش کیا تھا۔ ’شادی‘ نام کا یہ ڈرامہ 1948 میں لاہور کے اوڈین سینما میں دکھایا گیا۔ |  نعیم ہاشمی کی اداکاری کو آج کے جدید دور میں ایک اکیڈمی کے طور پر پیش کیا جا سکتا ہے۔ ’بنارسی ٹھگ‘ نعیم ہاشمی کی آخری فلموں میں سے ایک ہے، وہ اس فلم میں سلطان راہی کے مقابل ولن تھے۔ اسی طرح اقبال کاشمیری کی فلم ’بابل‘ یا انور کمال پاشا کی پنجابی فلم ’پروہنا‘ کو نعیم ہاشمی کی پرانی فلموں کے ساتھ رکھ کر دیکھا جائے تو خود بخود پتہ چل جاتا ہے کہ وہ ایک مکمل ایکٹر تھے۔ بنیادی طور پر شاعر نعیم ہاشمی نے ہمیشہ قافیہ ردیف، لے اور سُر کے ساتھ ایکٹنگ کی، اسکی سب سے بڑی مثال خود ان کی موت ہے  منیر نیازی |
یہاں یہ وضاحت مناسب ہوگی کہ اداکار سلیم رضا کا گلوکار سلیم رضا سے کوئی تعلق نہیں، یہ دو الگ الگ شخصیات تھیں۔ اداکارہ اور رقاصہ ایریکا بعد میں پاکستان آگئیں اور ’رخشی‘ کے نام سے مشہور ہوئیں۔ پچاس اور ساٹھ کی دہائیوں میں انھوں نے یہاں کی معروف ترین فلمی رقاصہ کی حیثیت اختیار کر لی تھی۔ ماشااللہ ابھی تک حیات ہیں اور لاہور میں رہتی ہیں۔ نعیم ہاشمی نے قیامِ پاکستان کے بعد لاہور آکر اداکار، فلم ساز و ہدایتکار نذیر کے ادارے میں کام شروع کر دیا۔ نذیر خود بھی فلم کے کئی شعبوں میں دسترس رکھتے تھے اور نعیم ہاشمی کی صلاحیتوں کے قائل تھے چنانچہ اس ادارے کے لئے نعیم ہاشمی نے خاتون، نوراسلام، شمع اور عظمتِ اسلام جیسی فلمیں تحریر کیں اور جہاں جہاں موقع ملا اپنی اداکاری کے جوہر بھی دکھائے۔ | 
قطرینہ اور کرینہ کی دوستی
