جیکسن ان تمام الزامات کی تردید کرتے ہیں

مائیکل جیکسن پر کینسر کے مہلک مرض میں مبتلا ایک بچے سے جنسی زیادتی کے علاوہ اس بچے کے گھر والوں کو زبردستی اپنے کیلی فورنیہ کے ’رینچ‘ یا فارم ہاوس میں قید رکھنے کا الزام بھی عائد کیا گیا ہے۔

سماعت کے دوران جج نے کہا کہ اس مقدمہ میں چودہ سالہ مدعی کا نام ظاہر کیا جا سکتا ہے ۔

مبینہ زیادتی کا نشانہ بننے والے لڑکے گیون آویسو کے وکیل نے اپنے دلائل دیتے ہوئے کہا کہ مائیکل جیکسن نے گیون کو عریاں فلمیں دکھائیں اور اسے جنسی زیادتی کا نشانہ بنانے سے قبل اسے خوب شراب پلائی۔

دنیا بھر سے ایک ہزار سے زائد ذرائع ابلاغ کے نمائندوں کو اس مقدمے کی رپورٹنگ کرنے کی اجازت دی گئی ہے۔