میٹرکس کا ریکارڈ توڑ بزنس میٹرکس سلسلے کی تیسری اور آخری فلم نے اختتام ہفتہ پر دنیا بھر کے سنیماگھروں میں بیس کروڑ چالیس لاکھ ڈالر کا ریکارڈ بزنس کیا ہے۔ میٹرکس رے وولوشنز بدھ کے روز ایک سو ممالک کے اٹھارہ ہزار سنیما گھروں میں تقریباً ایک ہی وقت میں نمائش کے لئے پیش کی گئی تھی۔ سٹوڈیو وارنر بروس کا کہنا ہے کہ اس فلم نے اپنے آغاز میں اب تک سب سے زیادہ بزنس کرکے تمام سابقہ ریکارڈ توڑ دیئے ہیں۔ سن دو ہزار دو میں لارڈ آف دا رنگز نے پہلے ہی ہفتہ میں اٹھارہ کروڑ اسی لاکھ ڈالر کا بزنس کیا تھا۔ اس فلم کے زیادہ تر فنکاروں کا تعلق برطانیہ سے ہے جن میں ہیو گرانٹ اور مارٹن میکاچن بھی شامل ہیں۔ امریکہ میں باکس آفس کی فہرست میں یہ چھٹے درجہ پر ہے۔ شروعات سے ایسا لگتا ہے کہ یہ فلم سنیما کی تاریخ میں سب سے زیادہ منافع بخش ثابت ہوگی۔ اس سے پہلے انیس سو ننانوے میں میٹرکس اور رواں سال میں میٹرکس ری لوڈڈ کے مجموعی طور پر ایک ارب بیس کروڑ ڈالر مالیت کے ٹکٹ فروخت ہوئے تھے۔ اس سے کہیں زیادہ منافع ویڈیو، ڈی وی ڈی اور ویڈیو گیمز کی فروخت سے ہوا تھا۔ | 
یہ صفحہ دوست کو ای میل کیجیئے
پرِنٹ کریں
