بلی ایلیش: ’کم عمری میں پورن دیکھنے سے ذہن تباہ ہو گیا اور ڈراؤنے خواب آنے لگے‘
،تصویر کا ذریعہGetty Images
گلوکارہ بلی ایلیش نے بتایا کہ 11 سال کی عمر سے ہی ’استحصال سے بھرپور پورن‘ مواد دیکھ لینے کے باعث اُنھیں کس طرح ڈراؤنے خوابوں کا سامنا کرنا پڑا۔سیریئس ایکس ایم پر بات کرتے ہوئے 19 سالہ نوجوان فنکارہ کا کہنا تھا کہ اس مواد سے واقفیت ہو جانے کے بعد یہ ہوا کہ جب انھوں نے جنسی تعلق قائم کیا تو ایسی چیزوں کو بھی نہ نہیں کہہ سکیں جو صحیح نہیں تھیں۔
گریمی ایوارڈ یافتہ فنکارہ کا کہنا تھا کہ ’یہ اس لیے تھا کہ میں نے سوچا کہ مجھے اسی کی طرف متوجہ ہونا چاہیے تھا۔‘
ایلیش نے اپنی نوعمر زندگی کا بیشتر حصہ عوام کی نظروں میں گزارا ہے۔ انھوں نے کھلے ڈلے لباس پہننے کے لیے شہرت بنائی اور بڑے ہونے کے دوران وہ جسمانی شبیہہ اور جنسی تعلقات کے بارے میں باقاعدگی سے بات کرتی رہی ہیں۔ پورنو گرافی کا موضوع انٹرویو میں آیا کیونکہ ان کے البم ہیپیئر دین ایور کے ایک گانے ’میل فینٹسی‘ میں اس کا حوالہ دیا گیا ہے۔
انھوں نے انٹرویو لینے والے میزبان ہاورڈ سٹرن کو بتایا کہ پورنو گرافی دیکھ لینے کے بعد وہ اسے توہین سمجھتی ہیں اور ان کے خیال میں یہ مواد ’تشدد‘ اور ’استحصال‘ ہے۔
ایلیش نے خاص طور پر پورنو گرافی میں خواتین کے جسموں اور جنسی تجربات کی عکاسی کے طریقہ کار پر تنقید کی۔
ایلیش نے پورن مواد دیکھنے کے بارے میں کہا ’میں سمجھ نہیں پائی کہ یہ ایک بری چیز کیوں تھی، میں نے سوچا کہ آپ جنسی تعلق اسی سے سیکھتے ہیں۔‘
،تصویر کا ذریعہGetty Images
انھوں نے بتایا کہ جب انھوں نے اپنی والدہ کو بتایا تو ان کی والدہ خوفزدہ ہو گئیں۔
’میں اس کی حامی تھی اور میں سوچتی تھی کہ میں ان لوگوں میں سے ایک ہوں اور اس کے بارے میں بات کروں گی اور سوچتی تھی کہ میں بہت کول ہوں کیونکہ مجھے اس سے کوئی مسئلہ نہیں اور میں یہ نہیں دیکھ پا رہی تھی کہ یہ کیوں برا ہے۔‘
End of سب سے زیادہ پڑھی جانے والی
گلوکارہ اور نغمہ نگار کا کہنا تھا کہ وہ بہت کم عمری میں ہی یہ مواد دیکھتی رہیں جس نے اس کا ذہن ’تباہ‘ کر دیا تھا اور اُنھیں ڈراؤنے خوابوں کا سامنا کرنا پڑا تھا۔
ایلیش نے کہا کہ یہ ایک ’حقیقی مسئلہ‘ ہے کہ پورن جنسی تعلقات کے دوران ایسی چیزوں کے سمجھنے کی صلاحیت کم کر دیتا ہے کہ سیکس کے دوران کیا نارمل ہے، بشمول رضامندی کے۔
مزید پڑھیے
یونیسیف سمیت بچوں کی فلاح و بہبود کے لیے کام کرنے والے ماہرین بھی اس نظریے کی تائید کرتے ہیں جن کا کہنا ہے کہ چھوٹی عمر میں فحش مواد دیکھنا نقصان دہ ہو سکتا ہے۔
ان کا کہنا ہے کہ پورنو گرافی جس میں استحصال اور بدسلوکی کے کاموں کی تصویر کشی ہوتی ہے وہ معمول بننے کے ساتھ ساتھ بچوں میں خراب ذہنی صحت اور دیگر منفی نتائج کا باعث بن سکتی ہے۔
ایلیش نے اپنے انٹرویو میں کئی دیگر مسائل پر بھی بات کی، جن میں عوام کی نظروں میں ڈیٹنگ اور اس سال کے شروع میں کووڈ-19 کی ویکیسن لگوانے کے باوجود وائرس سے متاثر ہونا شامل تھا۔
’میں نہیں مری، اور میں مرنے والی نہیں تھی، لیکن اس سے یہ بات رد نہیں کی جا سکتی کہ یہ کتنا تکلیف دہ ہے۔ یہ خوفناک تھا۔‘
انھوں نے مزید بتایا کہ وہ تقریباً دو ماہ تک بیمار تھیں۔
