آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
#BAFTA: پہلی عالمی جنگ پر مبنی فلم ’1917‘ نے بہترین فلم سمیت سات ایوارڈ جیت لیے
پہلی عالمی جنگ پر مبنی فلم ’1917‘ برٹش اکیڈمی فلم ایوارڈ یعنی بافٹا 2020 میں چھائی رہی۔
بہترین فلم، بہترین برطانوی فلم اور بہترین ڈائریکٹر سمیت مجموعی طور پر سات ایوارڈ جیت کر یہ فلم بافٹا 2020 میں سب سے زیادہ ایوارڈ حاصل کرنے والی فلم بن گئی ہے۔
ذہنی بیماری کے شکار کامیڈین کی کہانی پر مبنی فلم ’جوکر‘ میں مرکزی کردار ادا کرنے والے ہواکین فینکس کو بہترین اداکار کے ایوارڈ سے نوازا گیا ہے۔
ماضی کی مشہور ادکارہ جوڈی گارلینڈ کی زندگی پر مبنی فلم میں جوڈی کا کردار ادا کرنے والی رینی زیلویگر کو بہترین اداکارہ کا ایوارڈ دیا گیا۔
جنوب کوریائی فلم ’پیرا سائٹ‘ میں مرکزی کردار ادا کرنے والے کینگ ہو سانگ اور فلم کے ڈائریکٹر بون جان ہو نے بافٹا ایوارڈز میں اپنی فلم کی نمائندگی کی۔
’پیرا سائٹ‘ کو بھی دو ایوارڈز سے نوازا گیا۔
بہترین دستاویزی فلم کا ایوارڈ شام میں جاری خانہ جنگی کے موضوع پر بنائی گئی فلم ’فور سما‘ کو دیا گیا۔
اداکارہ ساؤرسی رونن، مارگٹ روبی اور ایمیلا کلارک ریڈ کارپٹ پر سیاہ رنگ کے ملبوسات زیب تن کیے ہوئے جلوہ گر ہوئیں۔
End of سب سے زیادہ پڑھی جانے والی
بافٹا ایورڈز کے صدر شہزادہ ولیم اپنی اہلیہ ڈچز آف کیمبرج کیٹ مڈلٹن کے ساتھ تقریب میں شرکت کیے لیے پہنچے۔
۔
