ایک چینی لڑکی نے عامر کو کیسے چونکایا

چین میں سنکیانگ کی ایک لڑکی کا ہندی گانا گانے کی ویڈیو چینی سوشل میڈیا 'ویبو' پر وائرل ہو رہا ہے۔

ویڈیو میں وہ لڑکی عامر خان کی فلم سیکریٹ سپر سٹار کا گانا 'میں نچدی پھراں' گاتے ہوئے نظر آ رہی ہے۔

'عامر خان کو فلم بیچنے کا ہنر آتا ہے'

’عامر خان موٹو پتلو کے لیے فٹ ہیں‘

چینی لڑکی یہ گانا عامر خان کی موجودگی میں گا رہی ہے۔ عامر خان آج کل اپنی فلم ’ٹھگز آف ہندوستان‘ کے پروموشن کے سلسلے میں چین میں ہیں۔

حاضرین میں بیٹھی اس لڑکی کا گانا سننے کے بعد عامر نے اس کے گانے کی تعریف کرتے ہوئے کہا کہ 'یہ گانا بہت مشکل ہے آپ نے بہت اچھا گایا'۔

اس کے بعد اس لڑکی نے سنکیانگ ثقافت کی پہچان کہی جانے والی لاوپی عامر خان کو تحفے میں پیش کی۔ یہ ویڈیو 18 دسمبر کو شوٹ کیا گیا تھا اور اسے اب تک 70 ہزار لوگوں نے دیکھا اور 15 سو لوگوں نے اسے شیئر کیا۔

چین میں ٹھگز آف ہندوستان 28 دسمبر کو ریلیز ہوگی۔ عامر اس فلم کے پروموشن کے لیے دس دِنوں تک روڈ شو کریں گے۔

عامر نے آن لائن پلیٹ فارم جِیہو پر چینی مداحوں کا شکریہ ادا کرتے ہوئے کہا کہ چینی لوگوں نے انہیں جو پیار دیا اس نے ان کا دل چھو لیا ہے۔