ኣብ ምዕራብ ሎስ ኣንጀለስ ዝተዘርግሐ ዘሰክፍ ባርዕ ጫካ ብስእሊ

ብሰሉስ ንግሆ ኣብ ከባቢ ፓሲፊክ ፓሊሳደስ ሎስ ኣንጀለስ ዝጀመረ ባርዕ ጫካ ኣብ መላእ ምዕራብ እታ ከተማ ብዘሰክፍ ናህሪ ተዘርጊሑ ኣሎ።

ብርቱዕ ንፋስን ኣዝዩ ደረቕ ኵነታትን ነቲ ሃልሃልታ ዝያዳ ክጋደድን ብዘስግእ ፍጥነት ክዝርጋሕን ገይርዎ ይርከብ።

እቲ ባርዕ ሓዊ ካብ ዓሰርተ ሄክታር ዝስፍሓቱ መሬት ኣብ ውሽጢ ሰዓታት ናብ ኣስታት ሰለስተ ሽሕ ከም ዝተዘርግሐ ይግለጽ።

መጥፋእቲ ሓዊ ምሉእ ለይቲ ምስቲ ሃልሃልታ ክቃለሱ ሓዲሮም ኣለው።

በዚ፡ ብዓሰርተታት ኣሽሓት ዝቝጸሩ ሰባት ክጽለው እንከለው፡ ነበርቲ ካብቲ ከባቢ ክወጽኡ መመርሒ ተዋሂቡ ኣሎ።

ሰራሕተኛታት መጥፋእቲ ሓዊ ነቲ ባርዕ ንምቍጽጻር ኣብ ዝሰርሑሉ ዘለዉ እዋን፡ ጋዜጠኛታት ኣብ መላእ ምዕራብ እታ ከተማ ዝርአ ዘሎ ምዕባለታት ብስእሊ ሰኒዶምዎ ኣለው።

ሪፖርተር ሲቢኤስ ጆናታን ቪግሊዮቲ፡ መጥፋእቲ ሓዊ ድሕሪ ደጊም ኣብ ፓሊሳደስ ዝርከቡ ኣባይቲ "ንምድሓን" ዘይኰነ "እዚ ሃልሃልታ ናብ ካልኦት ከባቢታት ከይዘልቕ ንምቍጽጻር'ዮም ዝጽዕሩ ዘለው" ኢሉ።