తేలు విషం లీటర్ రూ. 80 కోట్లు.. అంత డిమాండ్ ఎందుకంటే

ఒక చిన్న చుక్క తేలు విషం కూడా ఎంతో ఖరీదైంది. ఒక లీటర్‌ తేలు విషం ధర 10 మిలియన్ డాలర్లు. అంటే సుమారు రూ. 80 కోట్లు.

టర్కీలోని ఓ ల్యాబ్‌ తేళ్ల నుంచి రోజుకు 2 గ్రాముల విషం సేకరిస్తుంది. బాక్సుల్లోంచి తేళ్లను బయటకు తీసి వాటి నుంచి ప్రత్యేక పద్ధతుల్లో విషం సేకరిస్తారు.

ఆ తర్వాత విషాన్ని గడ్డకట్టించి, అనంతరం పొడి చేసి విక్రయిస్తారు.

మెటిన్‌ ఒరిన్లెర్‌ అనే తేళ్ల ఫామ్ యజమాని బీబీసీతో మాట్లాడుతూ... విషం ఎలా సేకరిస్తారు వంటి వివరాలన్నీ తెలిపారు.

‘‘మేం తేళ్లను పెంచుతాం. అలాగే వాటి నుంచి విషాన్ని సేకరిస్తాం. మేము విషాన్ని సేకరించి, దాన్ని గడ్డకట్టేలా చేస్తాం. ఘనీభవించిన విషాన్ని ఆ తర్వాత పొడిగా మార్చి, విక్రయిస్తాం’ అని చెప్పారు.

తేలు విషాన్ని యాంటీబయోటిక్స్.. కాస్మోటిక్స్.. పెయిన్‌కిల్లర్ల తయారీలో ఉపయోగిస్తారు.

‘ఒక తేలులో 2 మిల్లీగ్రాముల విషం ఉంటుంది. సాధారణంగా 300 - 400 తేళ్ల నుంచి మేం ఒక గ్రాము విషం సేకరిస్తాం’ అని మెటిన్‌ చెప్పారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)