క్రిస్మస్ బహుమతులు రుచిచూసే జంతువులు, పక్షుల ఉత్సాహం కెమెరా కంటితో చూస్తే...

ప్రపంచవ్యాప్తంగా వివిధ ప్రాంతాల్లో ఉన్న జంతు ప్రదర్శన శాలల్లో జంతువులు, పక్షులు కొన్నిరోజులుగా చాలా ఉత్సాహంగా ఉన్నాయి.

ఈ ఫొటోను కాలీలో తీశారు. ఒక్కొక్క గిఫ్ట్ బాక్సునూ ఓపెన్ చేస్తున్న ఈ సింహం ఒకదాని పనిపట్టాక, ఇంకో దాని దగ్గరకు వెళ్తోంది.

సింహానికి ఈ బహుమతి చాలా నచ్చినట్టుంది, అందుకే ముందు దాన్ని తీరికగా ఖాళీ చేస్తోంది.

ఇవి ఫ్రాన్స్, జర్మనీ, కొలంబియా, న్యూజీలాండ్ జూల నుంచి వచ్చిన కొన్ని ఫొటోలు.

ఇది నాకు మాత్రమే..

ఓరానాలో తనకు ఇష్టమైన చీజ్ బహుమతిగా ఇవ్వడంతో గొరిల్లా ఈ స్టైల్లో ఫొటోకు ఫోజులిచ్చింది.

మీకు మీ క్రిస్మస్ బహుమతి ఇంకా అందుండకపోవచ్చు. కానీ వీటికి ప్రతి రోజూ గిఫ్ట్ అందుతోంది. ఆ గిఫ్ట్‌లో వాటికి ఇష్టమైన ఆహార పదార్థాలు ఉంటున్నాయి.

పరుగుకు బ్రేక్...

ఈ ఫొటో కూడా ఓరానాలో తీసిందే.. చిరుతపులులు ఎక్కువగా తాము వేటాడే ప్రాణులను వెంటాడుతూ కనిపిస్తాయి. కానీ ఇలా గిఫ్ట్ ప్యాక్ ఓపెన్ చేస్తుండడం ఎవరూ చూసుండరు.

వాటిని అందంగా ప్యాక్ చేసి ఆయా జంతువులు, పక్షుల ముందు పెడుతున్నారు.

తర్వాత ఆ గిఫ్ట్ ప్యాక్ తెరిచే ప్రయత్నం మొదలవుతుంది. కొన్ని వెంటనే తెరిచేస్తే, మరికొన్ని మాత్రం దానికి బాగా టైం తీసుకుంటాయి.

ఈ ప్రాణులు వాటిని తెరవడం చూస్తుంటే, మన గిఫ్ట్ ఓపెన్ చేస్తున్నప్పుడు మనకు ఎంత ఉత్సాహంగా ఉంటుందో అలాగే ఉన్నట్టు అనిపిస్తుంది.

వరసగా గిఫ్టుల మీద గిఫ్టులు వచ్చి పడుతుండడంతో ఇవి ఉక్కిబిక్కరి అయ్యాయి.

ఉడుత కోతికి పెద్ద బహుమతి...

ఈ ఫొటోలు ఫ్రాన్స్‌లో జూ డే పెష్హెరెలో తీశారు. స్క్విరల్ మంకీస్ తమ గిఫ్టులు తెరుస్తూ కనిపిస్తాయి.

గిఫ్ట్ అందుకుంటూ ఇవి ఎంచక్కా ఫొటోలకు ఫోజు కూడా ఇచ్చాయి.

ఫ్యామిలీ సెలబ్రేషన్స్

ఈ ఫొటోలను ఉత్తర జర్మనీలోని హాంబర్గ్‌లోని తియర్‌పార్క్ హగన్‌బాక్ జూలో తీశారు.

ఏనుగుల కోసం ఈ గిఫ్ట్ బాక్సుల్లో పండ్లు, డ్రైఫ్రూట్స్ నింపారు.

అవి అందడమే ఆలస్యం ఓపెన్ చేసిన ఈ ఏనుగుల కుటుంబం, వాటిని ఖాళీ చేయడంలో బిజీ అయిపోయింది.

స్వీట్ కాండీ..

కొలంబియాలోని కైలీ జూలో ఉన్న ఈ బబూన్ కాండీని రుచిచూస్తోంది.

రుచి బాగుందేమో, ఇది తన్మయత్వంతో దానిని ఆస్వాదిస్తున్నట్టు కనిపిస్తోంది.

నాకోసం ఏముంది...

కాలిలో ఈ నల్ల చిరుత కోసం ఈ గిఫ్ట్ బాక్సును ప్రత్యేకంగా పంపించారు.

ఈ జాగ్వార్‌ పోజు చూస్తుంటే ఇందులో ఏముందబ్బా... అని ఆలోచిస్తున్నట్టు ఉంది.

బహుమతి విప్పుతున్న చిలకమ్మ

ఈ ఫొటో న్యూజీలాండ్ ఓరానా వైల్డ్ లైఫ్ పార్కులో తీసింది.

క్రైస్ట్ చర్చ్‌లో ఉన్న ఈ పార్క్‌లో ఉంటున్న ఈ కియా పారెట్ (ఈ చిలుక జాతి, సాధారణ చిలుక కంటే పెద్దగా ఉంటుంది)కు క్రిస్మస్ బహుమతి అందింది. దాన్ని అది తనదైన శైలిలో తీసింది.

ఇక, ఈ కాప్చున్ కోతి తనకంటే పెద్దగా ఉన్న గిఫ్ట్ బాక్సును ఆసక్తిగా చూస్తోంది. అందులో ఏముందా అని ఆలోచిస్తోంది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)