పాములూ తేళ్లతో స్నేహం.. అదే అత్యుత్తమ ఉద్యోగం!

యూకేకి చెందిన కెవిన్ అఫ్గానిస్థాన్‌లోని కాందహార్‌లో పెస్ట్ కంట్రోలర్‌గా సేవలందిస్తున్నారు. అక్కడి ఎయిర్‌బేస్‌లో ఉన్న తమ సైన్యానికి విష కీటకాలు, జంతువుల నుంచి రక్షణ కల్పించడమే ఆయన పని.

ఆ పని ఎంత సాహసంతో నిండిందో తెలియాలంటే ఈ వీడియో చూడండి.

అఫ్గానిస్థాన్‌లో దశాబ్దాలుగా జరుగుతున్న అంతర్యుద్ధం అనేక అవాంఛనీయ పరిణామాలకు దారితీసింది. యుద్ధ ప్రభావానికి లోనైన చాలా ప్రాంతాలను వదిలి ప్రజలు దూరంగా వెళ్లిపోయారు. దాంతో అక్కడ జంతువుల సంచారం పెరిగిపోయింది.

ఆ పెరిగిపోయిన జంతువులు, విష కీటకాలు, సర్పాలు, తేళ్లు తదితర జీవులు అక్కడి సైన్యంపై దాడి చేస్తున్నాయి.

ఆ పరిణామాలను నివారించడానికి, జంతువులను నియంత్రించడానికి కెవిన్ తమ దేశ సైన్యం కోసం అఫ్గానిస్థాన్‌లో పనిచేస్తున్నారు.

ఆ పనిలో భాగంగా ఆయన నిత్యం అత్యంత ప్రమాదకర జీవులను పట్టుకుంటుంటారు. కానీ వాటిని చంపకుండా తిరిగి అడవిలో వదిలేస్తారు.

సాహసంతో కూడిన ఆ వృత్తే ప్రపంచంలో అత్యంత ఉత్తమమైన పని అని కెవిన్ భావిస్తున్నారు.

ఇవి కూడా చదవండి

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)