అధ్యయనం: పండ్ల పానీయాలతో పళ్లకు హాని!

పులియబెట్టిన లేదా ఆమ్ల గుణం ఉన్న ఫ్లేవర్డ్ నీళ్లు, ఫ్రూట్ స్క్వాష్‌లు తాగటం వల్ల దంతాలు దెబ్బతింటాయి.

వాటిలో ఉండే యాసిడ్ దంతాలు ఊడిపోయేలా చేయగలదని లండన్‌లోని కింగ్స్ కాలేజ్ శాస్త్రవేత్తలు ఓ అధ్యయనంలో తెలిపారు.

పండ్ల రుచులున్న నీళ్లు, టీ, డైట్ డ్రింకులు, చక్కెర కలిపిన పానీయాలు తరచుగా తాగటం వల్ల, నిల్వ చేసిన పండ్ల గుజ్జు తినటం వల్ల ఈ ప్రమాదం ఉంటుందని వెల్లడించారు.

సాధారణంగా ఈ పానీయాలను చాలా తీరుబడిగా తాగుతుంటాం. అది మరింత ప్రమాదమని లండన్ కింగ్స్ కాలేజ్ డెంటల్ ఇన్‌స్టిట్యూట్‌కు చెందిన డాక్టర్ సయొర్సె ఒ'టూలే చెప్పారు.

‘‘ఐదు నిమిషాలకు మించి ఎక్కువ సేపు ఈ డ్రింకుల్ని తాగినా, పండ్లను వెంటనే తినకుండా, కొంచెం కొంచెం నములుతూ, నోట్లో ఎక్కువసేపు పెట్టుకుని తిన్నా మీ పళ్లు పాడవుతాయి’’ అని డాక్టర్ సయొర్సె తెలిపారు.

‘‘ఒకవేళ మీరు మధ్యాహ్న భోజన సమయంలో ఆపిల్‌ను తింటే, ఆ తర్వాత మళ్లీ ఆమ్ల గుణాలున్నవి ఏవీ తినకండి’’ అని సలహా ఇచ్చారు.

ఆమ్ల గుణాలున్న పానీయాలేంటి?

ఆమ్ల గుణాలు లేనివి ఏంటి?

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)