நிர்மலா சீதாராமன் புலம்பெயர்ந்த தொழிலாளர்களுக்கு அறிவித்த திட்டங்கள் என்னென்ன?

ரேஷன் அட்டை இல்லாத உள்நாட்டிலேயே புலம்பெயர்ந்த தொழிலாளர்களுக்கு இரண்டு மாதங்களுக்கு இலவசமாக ஐந்து கிலோ அரசி அல்லது கோதுமை வழங்கப்படும் என நிதியமைச்சர் நிர்மலா சீதாராமன் தெரிவித்துள்ளார்.

இந்தியப் பிரதமர் நரேந்திர மோதி, செவ்வாய் இரவு நாட்டு மக்களுக்கு உரையாற்றியபோது அறிவித்த 'ஆத்ம நிர்பார் பாரத் அபியான்' (தற்சார்பு இந்தியா திட்டம்) என்ற பொருளாதார உதவி தொகுப்பு குறித்த விவரங்களை இந்திய நிதியமைச்சர் நிர்மலா சீதாராமன் நேற்றும் இன்றும் வெளியிட்டார்.

நேற்று சிறு, குறு மற்றும் நடுத்தர தொழில் நிறுவனங்கள், அரசாங்க ஒப்பந்ததாரர்கள், தொழிலாளர் வைப்பு நிதி செலுத்துபவர்கள் உள்ளிடவர்களுக்கான 15 அம்ச திட்டங்களை அறிவித்திருந்த நிர்மலா சீதாராமன் இன்று, புலம்பெயர்ந்த தொழிலாளர்கள், விவசாயிகள், சாலையோர வியாபாரிகள் பயன்பெறும் திட்டங்களை அறிவித்தார்.

திட்டங்களை அறிவிப்பதற்கு முன்னதாக பேசிய நிர்மலா சீதாராமன் புலம்பெயர்ந்த தொழிலாளர்கள் மற்றும் நகர்புற ஏழைகளுக்காக மத்திய அரசு செயல்படுத்தி வரும் திட்டங்கள் குறித்து பேசினார்.

மத்திய அரசு புலம்பெயர்ந்த தொழிலாளர்களுக்கு தேவையான அனைத்து நடவடிக்கைகளையும் எடுத்து வருகிறது. மாநில பேரிடர் நிதியத்தை பயன்படுத்த மாநில அரசுக்கு மத்திய அரசு அனுமதி வழங்கியுள்ளது என்று தெரிவித்தார் நிர்மலா சீதாராமன்.

மேலும், 12,000 சுய உதவி குழுக்கள் மூலம், 3 கோடி முக கவசங்கள் தயாரிக்கப்பட்டுள்ளன. இந்த கொரோனா வைரஸ் சூழலில் 7200 புதிய குழுக்கள் உருவாக்கப்பட்டுள்ளன என்றும் தெரிவித்தார்.

மார்ச் மற்றும் ஏப்ரல் மாதத்தில் மட்டும், 86,000 கோடி ரூபாய் மதிப்பிலான விவசாய கடன்கள் வழங்கப்பட்டுள்ளன என்றும் அவர் தெரிவித்தார்.

நிர்மலா சீதாராமன் இன்று அறிவித்த திட்டங்கள்

பிற செய்திகள்:

சமூக ஊடகங்களில் பிபிசி தமிழ்: