Boti za kifahari, maeneo ya anasa ya wafanyabiashara matajiri wa Kirusi na mabilionea wengine

Jiwazie ukitazama machweo ya jua, mbali na ukanda wowote wa pwani, bila chochote ila bahari mbele yako... na sitaha kubwa nyuma yako na helikopta, kijani kibichi cha gofu na bwawa la burudani yako, pamoja na 24/7 Michelin- chakula kizuri kutoka kwa mgahawa bora wa nyota wakati wowote unapohisi kutafuna.

Huu ni mukhtasari tu wa kile mabilionea wanaweza kufurahia wakiwa kwenye boti zao kuu katika saa ambapo mwanga wa jua una wekundu fulani.

Mtindo huu wa maisha ya kifahari ya baharini umesitishwa kwa idadi ya wafanyabiashara matajiri wa Urusi ambao boti zao kuu zimekamatwa au hivi karibuni zinaweza kukamatwa.

Inadhaniwa kuwa kuna karibu boti 10,000 duniani, na ingawa tunasikia mara nyingi kuhusu boti zilizohisishwa na Urusi, wamiliki wengine hutofautiana kuanzia Wafalme wa Ghuba hadi matajiri wa Marekani.

Lakini ni nini hufanya boti kuwa ya kifahari?

Hakuna jibu rahisi kwa hilo - neno hilo kwa kiasi kikubwa ni marejeleo ya boti za gharama kubwa zaidi, za kifahari na kubwa zaidi, ambazo kwa kawaida hutengenezwa kitaalamu.

Kitaalamu, safu ya kitamaduni inayotolewa kwa urefu wa boti ya kifahari ni kati ya futi 80 (mita 24) na futi 590 (mita 180).

Kadiri boti zinavyokuwa kubwa, ndivyo maneno ya kuzielezea yanavyokuwa makubwa.

Bei ya boti kuu ni kati ya mamia ya mamilioni hadi zaidi ya dola bilioni za Kimarekani.

Majumba haya ya kuelea juu ya maji hutoa tajriba ya kipekee ya burudani na faragha kamili mbali na macho ya watu wa kawaida, ambayo hufanya yatamanike kwa matajiri na watu mashuhuri.

Boti kubwa zaidi duniani

Boti kubwa zaidi duniani tangu mwaka 2013, rekodi ya boti kubwa zaidi ya kimataifa inayomilikiwa na watu binafsi ni boti ya mita 180 iitwayo Azzam.

Boti ya REV Ocean, iliyozinduliwa mwaka wa 2019, ina urefu wa mita tatu, lakini lengo lake kuu si burudani au michezo.

Mmiliki wa Azzam ni Rais wa Umoja wa Falme za Kiarabu na Amir wa Abu Dhabi Sheikh Khalifa bin Zayed al Nahyan.

Bei yake ya ujenzi inakadiriwa ni $600m.

Kulingana na mtoa huduma wa data MarineTraffic, kwa sasa ipo kwenye Ghuba ya Uajemi.

Inaweza kuchukua hadi wageni 36 kwa raha ya hali ya juu na wafanyakazi karibu 80.

Mpangilio wake ndani umewekwa kuwa siri, lakini kuna mpango wa kuwa na saluni kubwa ya wazi ya urefu wa mita 29, bwawa la kuogelea, sinema, ukumbi wa michezo na sehemu ambapo helikopta mbili zinaweza kutua ni baadhi ya yanayojulikana kujumuishwa ndani.

Boti ya gharama ya juu zaidi

Kwa makadirio ya gharama ya zaidi ya dola bilioni moja za Kimarekani, na bei inayokadiriwa ya $700m, Boti kwa jina Eclipse, inayohusishwa na oligarch wa Urusi Roman Abramovich kwa sasa inafikiriwa kuwa boti ghali zaidi duniani.

Boti Eclipse inatoa aina mbalimbali za starehe kama vile klabu ya usiku, saluni, bwawa la kuogelea na ukumbi wa michezo, lakini pia ni salama. Salama sana.

Ina manowari, helikopta tatu na mfumo wa ulinzi wa kombora kwenye bodi.

Eclipse pia inaripotiwa kuwa boti inayoweza kudhibiti paparazzi.

Kulingana na ripoti kadhaa za jarida la masuala ya boti, boti hiyo iliyobobea kiteknolojia ina mfumo unaotambua matumizi ya kamera za kidijitali na hujitengeneza kama ngao ili kutatiza picha zinazoweza kupigwa kwa usaidizi wa taa maalum.

Kwa sasa ipo kwenye eneo maarufu mojawapo ya maeneo ya likizo maarufu ya Uturuki yasiyo na vikwazo, Marmaris.

Boti kubwa inayohusishwa na Abramovich yenye thamani ya $600m, 'My Solaris' (pia imetia nanga nchini Uturuki huko Bodrum) bado ni ya anasa kama ile ya Eclipse na ina mfumo wa kugundua makombora unaodhibitiwa na rada, madirisha ya kuzuia risasi na ulinzi wa kivita.

Lakini pia… klabu ya ufukweni ya nje.

Bwawa kubwa zaidi kwenye superyacht?

Boti nyingine kubwa na za gharama ya juu ni pamoja na 'Dubai' yenye urefu wa mita 162 ya $400m, inayomilikiwa na Sheikh Mohammed bin Rashid Al Maktoum, mtawala wa Dubai na Makamu Rais wa Falme za Kiarabu, na 'Dilbar' inayomilikiwa na mzaliwa wa Uzbekistan mfanyabiashara wa Urusi Alisher Usmanov.

Haijabainika iwapo Dilbar imekamatwa, lakini rekodi za data za trafiki baharini zinaonyesha kwamba amepandishwa imetia nanga Hamburg.

Dilbar inachukuliwa kuwa mojawapo ya boti kubwa kiasi.

Ina nafasi kubwa za burudani ikilinganishwa na zingine nyingi na inajumuisha bwawa la kuogelea la mita 25, mojawapo ya dimbwi kubwa zaidi kuwahi kusakinishwa kwenye boti.

Je Scheherazade ni ya Putin?

Boti nyingine kubwa na ya gharama ya juu ni Scheherazade.

Mpinzani wa Urusi Alexei Navalny amehusisha boti hiyo kubwa na Rais wa Urusi Vladimir Putin.

Imewekwa katika mji wa Italia wa Marina di Carrara, umiliki wa boti hiyo unachunguzwa na maafisa wa Marekani.

Akizungumza na gazeti la New York Times, nahodha wa boti hiyo kutoka Uingereza alikana uhusiano wowote na Putin, akisema: "Sijawahi kumuona; sijawahi kukutana naye."

Baadhi ya ripoti zinadai kuwa mmiliki wake yuko Mashariki ya Kati.

Kulingana na majarida ya boti na tovuti, Scheherazade ina urefu wa mita 140 na inaaminika kuwa na thamani ya karibu $700m.

Boti hiyo ya ajabu inasemekana kuwa na helikopta, bwawa kubwa, ukumbi wa sinema, maeneo ya burudani na mfumo wa ajali za ndege zisizo na rubani.

Watu mashuhuri

Likizo kwenye boti ni kawaida kwa watu mashuhuri.

Sehemu moja ambayo ni maarufu kwa watu wengi ni 'Rising Sun', boti kuu inayomilikiwa na tajiri wa vyombo vya habari wa Marekani David Geffen.

Boti hiyo yenye urefu wa mita 138 inasemekana iligharimu zaidi ya $200m kuijenga.

Kulingana na jarida la American W, wageni wanaotembea kwa boti hii ni pamoja na Julia Roberts, Oprah Winfrey na Steven Spielberg.

Rekodi za data za trafiki baharini zinaonyesha imetia nanga katika Bahari ya Caribbean.

Boti hii ina eneo la divai, uwanja wa mpira wa vikapu na ukumbi wa sinema.

Boti nyingine ambayo iligonga vichwa vya habari mwaka wa 2014 ni 'A+', na awali ilijulikana kama Topaz.

Hata hivyo kulitokea mzozo uliohusisha mgeni wa chombo hicho: Mwigizaji wa Marekani na mwanaharakati wa hali ya hewa Leonardo DiCaprio na marafiki zake.

Bati hiyo yenye thamani ya zaidi ya $500m na urefu wa mita 145, inaripotiwa kuwa inamilikiwa na mwanasiasa mwingine wa Imarati na bilionea wa kifalme, Mansour bin Zayed al Nahyan.

Maelezo machache yanapatikana wazi kuhusu boti hii lakini inaripotiwa kuwa ina vipengele vya kifahari kama vile bwawa la kuogelea, helikopta na jacuzzi ya juu ya sitaha.

Wakati DiCaprio anayejali mazingira alipokodisha boti hii kuu mwaka wa 2014, kukatokea ukosoaji kuhusu ukinzani kati ya uanaharakati wake na kaboni inayotolewa na boti.

Kulingana na tovuti ya habari ya mazingira ya Ecowatch, wanaharakati wanakadiria kuwa boti kubwa (iliyo na wafanyakazi wa kudumu, helikopta, nyambizi na madimbwi) hutoa takriban tani 7,020 za kaboni dioksidi kwa mwaka - kama vile karibu magari 1,500 ya kawaida ya familia.