Akina mama wanafanyaje kazi nyumbani bila msaada wa kuwatunza watoto wao?

Kwa muda mrefu wa mwaka wa kwanza baada ya binti yake kuzaliwa mapema 2022, Katie Szerbin alifanya kazi nyumbani, akishughulikia simu za huduma kwa wateja siku nzima, bila aina yoyote ya huduma ya utunzaji wa watoto.

Kila mara mtoto wake alipoanza kulia, mama huyo mwenye umri wa miaka 30 kutoka New Jersey, Marekani, alilazimika kutoka nje ya chumba hicho. Asipofanya hivyo, mteja wa upande mwingine wa laini ya simu - na msimamizi wa Szerbin, mara nyingi akisikiliza - wanaweza kumsikia mtoto chinichini, na kutilia shaka taaluma yake.

“Simu zangu zilikuwa hazizidi dakika tano. Ilikuwa ni jambo ambalo nililazimika kuteseka, na natumai watu wa laini nyingine hawakuweza kumsikia akilia. Ilikuwa ya kuhuzunisha moyo,” asema Szerbin. "Haikuwa mbaya sana alipokuwa mtoto mchanga.

Lakini hivi karibuni alikuwa akitembea, akiingia kwenye vitu, akihitaji umakini. Ninazungumza na kujaribu kukazia fikira na anashika vifaa vyangu vya sauti au anajaribu kunyakua kompyuta yangu, au kuvuta shati langu akijaribu kunifanya nimshike. Umevurugwa kabisa. Hata kama unajaribu sana kumpuuza, moyoni mwako, huwezi.”

Hatua ya kusawazisha hali ilikuwa, kwa sehemu, chaguo la kifedha - kufidiwa takriban $17 (£13.70) kwa saa, hesabu ilifanya kazi kuwa Szerbin "kimsingi atakuwa akifanya kazi ili kulipia matunzo". Kwa hivyo, chaguo lake pekee lilikuwa kufanya kazi zote mbili mara moja. Haikuwa rahisi kwake au kwa binti yake, na ilizidi kuwa ngumu kadiri muda ulivyosonga.

Kufungwa kwa shule na vituo vya kulelea watoto wakati wa janga la Covid uliwaacha wazazi wengi wanaofanya kazi kama Szerbin katika hali isiyowezekana, wakijaribu kushughulikia kazi za mbali na ukosefu wa utunzaji wa watoto. Na ingawa watoto wengi wameweza kurudi kwenye malezi ya nje ya nyumba kwani Covid-19 imepungua, sio kila mzazi yuko nje ya tatizo: walezi wengine bado wanakabiliwa na usimamizi wa watoto na kazi zao, ambayo inawasukuma ukingoni.

Katika baadhi ya matukio, suala hilo ni la papo hapo kama ilivyokuwa wakati wa kilele cha janga la Covid. Huko Marekani, shida inayoendelea ya malezi ya watoto imewaacha wazazi wengi katika hali isiyoweza kutegemewa: tasnia ya utunzaji wa watoto ilikumbwa kuondoka kwa wafanyikazi na kufungwa kwa vituo mnamo 2020, na ahueni inaendelea kudorora . Kituo cha Maendeleo ya Marekani kiliripoti zaidi ya nusu ya Waamerika wote wanaishi katika jangwa la kulea watoto , na hata mahali ambapo inapatikana, gharama zinazoongezeka huweka huduma bora mbali na kufikiwa na familia nyingi.

Kwa njia nyingi, asema Mona Zanhour, profesa mshiriki wa usimamizi katika Chuo Kikuu cha Jimbo la California, Long Beach, mapinduzi ya kazi ya kijijini yamekuwa mazuri kwa akina mama, kuruhusu wanawake ambao vinginevyo wangelazimika kuacha nguvu kazi kabisa ili kuendelea kulipwa .

Lakini kwa akina mama wengine, anasema, “ni upanga ncha mbili za makali. Teknolojia inaturuhusu kufanya kazi na kuwa mzazi na kuishi maisha yetu sote kwa wakati mmoja katika nafasi moja. Lakini inakuwa zimwi tunapoongeza mzozo wa malezi ya watoto”.

Haya yote hupelekea baadhi ya wazazi - kwa kawaida akina mama - kuendelea kufanya kazi nyumbani huku wakiwalea watoto wao, anasema Zanhour.

Wengi wa wazazi hawa wanalazimika kuficha ukweli huu kutoka kwa wakubwa wao ili wasionekane kuwa wasumbufu au wasio na taaluma, na kuwaacha wakiwa na msongo wa mawazo na woga.

Na, anasema, mwanamke anayejaribu kufanya kazi yake mwenyewe na kuwa mzazi-mwenyewe kwa wakati mmoja, mara nyingi atapambana na vyote viwili na hatimaye kulemewa.

Kristen Carpenter, mama wa Pennsylvania, Marekani, ambaye mara nyingi hufanya kazi yake ya afya nyumbani, ana wasiwasi kwamba ukosefu wake wa malezi ya watoto umekuwa na athari mbaya kwa mtoto wake wa miaka mitano. "Yeye yuko katika shule ya chekechea kwa saa mbili na nusu, kisha anarudi nyumbani na yuko kwenye kompyuta mchana, au anatazama sinema, au anafanya tu mambo ambayo hayana tija kwa sababu lazima nifanye kazi yangu," Anasema. "Hana ari ya kufanya jambo lingine lolote."

Carpenter mwenyewe amepata athari mbaya, pia. Hajisikii kuwa makini katika kazi kama alivyokuwa hapo awali, na anajitahidi kuwa mwenye matokeo kama angependa. "Kwa hakika sipati 'saa 40' zangu," anasema. “Ninahisi kama anapokuwa nami hapa, siwezi kuzingatia kabisa. Na anapokuwa shuleni, nina saa mbili na nusu tu, kisha inanibidi nimshushe basi. Ninaweza kufanya nini wakati huo? Hasa wakati muda wote nasubiri tu kengele yangu ilie ili kumchukua.”

Wengi wa wanawake 53 waliohojiwa na Zanhour pia waliripoti kujisikia kama wako nyuma kila wakati. "Wanaishia kusalimisha usingizi, na kusalimisha afya zao za kibinafsi," anasema. "Wanaamka mapema kabla ya watoto kuangalia jumbe za barua pepe , hutumia siku zao kurejelea majukumu mawili, hapa na pale na baada ya kila mtu kulala, wanajaribu kuafikia malengo yao" Na baada ya muda hawawezi tena kumudu hali na "wanachukulia kama hali ya wao kushindwa kibinafsi".

Szerbin anasema mara kwa mara alikuwa akifanya makosa madogo kazini, kwa sababu umakini wake uligawanyika. “Halikuwa jambo ambalo ningepata shida nalo, lakini lilinifanya nijisikie mwenye hatia na aibu kwa sababu najua nilikuwa na uwezo wa kulifanya bila makosa hayo rahisi. Na siwezi kutoka na kusema, 'inatokea kwa sababu ninamtunza mtoto wangu', kwa hivyo kuna wasiwasi zaidi wa, 'wataleta hii? Na nitapata shida? Je, nitapoteza kazi yangu?’”

Suala jingine linalozidisha hali hiyo ni kwamba baadhi ya wazazi wanahisi wamesahaulika sasa kwamba mengi yamerudi katika hali ya 'kawaida' katika ulimwengu wa kazi.

Mwanzoni mwa janga la Covid , wakati shule zilifungwa na kazi kwenda mbali kwa ghafla, kulikuwa na uelewa mwingi na huruma kwa wazazi wanaofanya kazi, anaelezea Zanhour, ambaye aliandika pamoja utafiti wa uzoefu wa mama wanaofanya kazi wakati na baada ya janga . "Tulichoona kutoka kwa data yetu ni huruma iliisha haraka sana."

Pamoja na mafadhaiko, wasiwasi na uchovu, mambo haya yote yamewalazimu baadhi ya akina mama kubadilisha njia zao za kazi kabisa. Szerbin alichukua kazi ya kibinafsi, huku mama yake akimtunza binti yake. Sio suluhisho kamili, anasema. “Hatima yangu imeendelea hadi kufikia hatua tofauti. Sasa ninajiona nina hatia kwamba ninafanya kazi na simtunzi mtoto wangu.”

Wengine, kama Carpenter hubaki wamekwama bila suluhisho lolote. Anahesabu siku hadi mtoto wake aanze darasa la kwanza na yuko shuleni siku nzima. “Mimi hukasirika,” anasema. “Nimezidiwa kabisa.”

Wakati huohuo, wazazi fulani wanaofanya kazi wanaweza kujikuta wakikwama. Hakuna suluhu rahisi, anasema Zanhour. Kutatua tatizo kutahitaji "kuunda upya tamaduni za mahali pa kazi ili uzazi usilazimike kupingana na taaluma", anasema. Inaweza kuwa safari ndefu. Kwa sasa, huruma zaidi kidogo inaweza kusaidia pakubwa.