AFCON 2024 Ivory Coast: Zijue nchi 24 zilizofuzu kombe la Afrika

Usomaji maandishi tu kupunguza gharama za data

Maelezo ya picha, CAN 2023 itafanyika kuanzia Januari 13 hado Februar 11, 2024 huko Ivory Coast.

15 Septemba 2023

Jedwali la mwisho la nchi 24 zilizofuzu kwa Kombe la Mataifa ya Afrika nchini Ivory Coast sasa linajulikana.

Siku ya sita na ya mwisho ya mchujo ilitoa uamuzi siku ya Jumanne, Septemba 12 kwa kufuzu kwa Cameroon na Namibia. Cameroon ilithibitisha nafasi yao kwa CAN/AFCON 2023 baada ya mafanikio makubwa dhidi ya Burundi (3-0), Jumanne hii huko Garoua.

Timu 24 zilizofuzu

Je, Tanzania inalibeba soka la Afrika Mashariki?12 Septemba 2023

Washindi kumi na wawili wa zamani wa CAN watakuwepo nchini Ivory Coast kwa mashindano ya 34 ya CAN.

Wanaoshikili taji hilo Senegal wakiongozwa na kocha Aliou Cissé watawania taji hilo mara ya pili baada ya kutawazwa washindi kwa mara ya kwanza wakati wa CAN iliyopita nchini Cameroon.

Mshindi mara mbili 1992 na 2015, Côte d'Ivoire, timu kubwa barani Afrika, imejiwekea malengo ya kushinda CAN nyumbani. Hawakuwepo kwenye Kombe la Dunia lililopita nchini Qatar. Timu hiyo inategemea ari na uungwaji mkono wa watu wengi kushinda kwa mara ya tatu.

Tangu Misri mwaka 2006, hakuna nchi mwenyeji iliyoshinda kombe hilo. Taifa lililofanikiwa zaidi barani humo likiwa na mataji saba (1957,1959, 1986, 1998, 2006, 2008 na 2010), Misri itashiriki mara ya 26 kati ya mashindano 34. Mafarao waliofika fainali 2022 wanawania kombe hilo mara ya 8.

Cameroon, bingwa mara tano wa Afrika, alijitahidi kupata nafasi ya CAN 2023. Timu hiyo itajaribu kushinda kwa mara ya 6 baada ya kuchukua kombe 1984, 1988, 2000, 2002 na 2017.

Nigeria, washindi wa 1980, 1994 na 2013, watakuwepo Ivory Coast kujaribu kushinda mara ya 4.

Skip Iliyosomwa zaidi and continue reading

Iliyosomwa zaidi

End of Iliyosomwa zaidi

Hauhitaji Whatsapp

BBC Swahili sasa kwenye WhatsApp

Pata habari za kina kutoka BBC News Swahili, moja kwa moja kupitia WhatsApp.

Bonyeza hapa kujiunga

Mwisho wa Whatsapp

Morocco baada ya nusu fainali ya Kombe la Dunia la 2022 nchini Qatar, itakuwa mojawapo ya vivutio vya CAN.

Mshindi wa 2019, Algeria itasubiriwa kwa hamu nchini Ivory Coast. Wakiongozwa na kocha wao Jamel Belmadi, watataka kujikomboa baada ya kuondolewa katika raundi ya kwanza wakati wa CAN iliyotangulia na kutoshiriki Kombe la Dunia la 2022.

Washindi wa kombe hilo 2004 Tunisia, watakuwepo pia.

Ghana mshindi mara nne amekata tiketi ya kushiriki kombe la Afrika.

Guinea, Mali na Burkina Faso, hazijawahi kutwaa taji, zinatumai kushinda CAN kwa mara ya kwanza katika historia yao.

Mashindano ya 34 ya CAN yamepangwa kufanyika Oktoba 12 katika mji mkuu wa kiuchumi wa Ivory Coast, Abidjan. CAN 2023 itafanyika kuanzia Januari 13 hadi Februari 11, 2024 nchini Ivory Coast. Tembo wa Cote d'Ivoire watatamani kufanya vyema wakiwa nyumbani.

Nchi zote 24 zilizofuzu: Ivory Coast, Senegal, Misri, Algeria, Tunisia, Afrika Kusini, Morocco, Nigeria, Zambia, DR Congo, Ghana, Cameroon, Burkina Faso, Mali, Guinea, Equatorial Guinea, Guinea Bissau, Cape Town -Green, Angola, Tanzania, Msumbiji, Mauritania, Gambia, Namibia.