Ndege iliyotekwa nyara, miaka 52 baadaye, bado imesalia kuwa fumbo

Tukio hilo lilitokea Novemba 24, 1971. Mwanaume anayeitwa Dean Cooper alinunua tikiti kutoka Uwanja wa Ndege wa Portland huko Oregon hadi Seattle, Washington, Marekani.

Mfanyakazi aliyesimama kwenye kaunta katika shirika la ndege la Northwest Airlines, hakujua kuwa mtu aliyesimama mbele yake angetenda uhalifu mkubwa zaidi katika historia ya Marekani. Na cha ajabu ni kwamba hata baada ya miaka 52 ya tukio hili, fumbo lake bado halijafumbuliwa.

Dean Cooper, mwanamume mwenye sauti ndogo, 40, alikuja akiwa amevalia suti na shati jeupe na tai nyeusi. Kumtazama, alionekana kama mtaalamu. Baada ya kupanda ndege, aliagiza kinywaji kwa ajili yake.

Mbali na Cooper, kulikuwa na abiria 36 katika ndege hii. Ndege ilitakiwa kupaa saa tisa alasiri. Dean Cooper alimwita mhudumu wa ndege na kumkabidhi barua.

Baada ya kusoma barua hiyo, mdomo wa mhudumu huyo wa kike ulionyesha ishara kwamba kuna jambo ambalo sio zuri.

Ujumbe huo ulisema kwamba kulikuwa na bomu kwenye begi ambalo Dean Cooper alikuwa amebeba na kwamba mrembo huyo alipaswa kukaa kimya karibu naye.

Je, Dean Cooper alitoweka vipi?

Dean Cooper alionyesha mkoba ukiwa wazi kidogo kwa mhudumu huyo aliyeonekana kuchanganyikiwa.

Mrembo huyo aliona baadhi ya nyuzi na vijiti vyekundu vilivyowekwa kwenye begi. Hakuna anayejua ikiwa ilikuwa bomu au kitu kingine chochote.Tukio hili limesalia kwenye ulimwengu wa matukio ya uhalifu na mpaka leo hata FBI hawajategua kitendawili hiki.

Jambo la pekee kuhusu tukio hili la ajabu ni kwamba Dean Cooper, maarufu kwa jina la DB Cooper, aliteka nyara ndege hii ya abiria peke yake.

Alizuia wafanyakazi na kuchukua pesa taslimu dola laki mbili, na kutoweka kwa namna ambayo bado watu wanajiuliza maswali, je Dean Cooper alimezwa kwenye anga au ardhini?

Lakini tukio hili lilitokeaje?

Cooper alitoa madai yake vizuri kwa mhudumu wa ndege, ikiwa ni pamoja na kutaka kupewa fidia ya dola laki mbili na mwavuli wa kuruka yaani parachuti. Cooper pia alitoa madai maalum kuhusu pesa.

Noti za $20 pekee ndizo zilipaswa kujumuishwa katika kiasi hiki pia aliongeza kwamba hazikupaswa kufuatana kwa maana ya namba zak. Alidai hivyo kwa sababu ingekuwa rahisi kumtafuta na kumpata.

Cooper aliandika katika barua hiyo kwamba ikiwa matakwa yake hayatatekelezwa, angeipiga bomu ndege hiyo ikiwa na abiria na wafanyakazi.

Mhudumu huyo alifikisha ujumbe huu kwa rubani. Baada ya muda, sauti ilisikika kwamba ndege ilikuwa karibu kupaa.

Abiria waliokuwa ndani ya ndege hiyo hawakujua ni nini kilikuwa kikiendelea.

Mamlaka iliarifiwa kuhusu utekaji nyara huo kabla ya ndege kupaa. Polisi na FBI walikuwa wanashangaa kwa nini mtekaji nyara aliomba parachuti na pesa.

Hofu ya bomu

Mtekaji nyara alikuwa amemuonya rubani kutotua ndege katika eneo ambalo kulikuwa na mwanga nje. Lakini pia, mwanga wa taa za ndani zilitakiwa mtu kutoka nje asiweze kuona ndani.

Cooper alitishia kuilipua ndege hiyo ikiwa gari au mtu yeyote atakuja karibu yake.

Maafisa hao walimpigia simu rais wa shirika hilo la ndege na kumtaka atii matakwa ya mtekaji nyara. Kwa kuzingatia tishio la bomu, mamlaka iliamua kutoa kipaumbele cha kwanza kuokoa maisha ya abiria.

Mfanyakazi wa shirika la ndege alikaribia ndege akiwa na pesa na mhudumu wa ndege akashusha ngazi. Kwanza alitoa parachuti mbili na kisha akatoa pesa kwenye begi kubwa.

Msaada wa parachuti

Cooper hakuwaacha marubani wawili, mhudumu wa ndege na mhandisi wa ndege. Waliamriwa kuchukua ndege na kupaa hadi New Mexico City.

Wafanyakazi wote wa ndege hiyo walikuwepo kwenye chumba cha marubani na Cooper alikuwa nje ya chumba cha marubani. Cooper alimuagiza rubani aipeleke ndege hiyo kwenye mwinuko wa futi elfu kumi kwa kasi ya 150.

Dakika ishirini ndani ya safari ya pili, taa nyekundu ya ndege ikawaka. Hii ina maana mtu alikuwa amefungua mlango wa ndege.

Rubani alimuuliza Cooper kupitia simu inayotumika kwenye anga kama alitaka chochote, na Cooper akajibu kwa hasira - 'Hapana.'

Haya yalikuwa maneno ya mwisho yaliyosemwa na mtekaji nyara wa ajabu. Baada ya hayo alitoweka. Cooper aliruka nje ya ndege na pesa kwa msaada wa parachuti.

Kwa nini aliitisha noti za dola ishirini pekee?

Baadaye niligundua kwa nini aliomba noti ishirini za dola tu. Kwa sababu uzito wa jumla wa pesa ungekuwa pauni ishirini na moja. Ikiwa kiasi cha dola kilikuwa cha chini, uzito ungekuwa wa juu sana na kupaa kungekuwa hatari.

Ikiwa kuna kiasi kikubwa, uzito hupotea. Lakini kuzitumia kunaweza kuwa hatari. Hata hivyo, FBI ilikuwa vizuri na noti hizo zote zilikuwa na herufi ya msimbo 'L'.

Lakini hapa swali pia linajitokeza kwamba ikiwa wataalam walishuku kuwa Cooper aliitisha parachuti, kwa nini hawakuchukua hatua?

Kwa kweli polisi walikuwa wamepanga kukimbiza ndege. Jambo la kwanza lililozongatiwa ilikuwa kutumia ndege ya F-106. Lakini ndege hiyo hakuweza kuruka kwa kasi ya chini kama vile Cooper alivyodai.

Kwa hiyo, ndege za T33 zilidaiwa kutoka kwa Walinzi wa Kimataifa. Lakini kabla ya ndege hizi kuifikia ndege ya abiria iliyotekwa nyara, Cooper alikuwa amesharuka.

Baada ya kutoka kwenye chumba cha marubani

Ndege ya abiria ilitua salama, lakini baada ya kutoka kwenye chumba cha marubani, wafanyakazi waliona kwamba hapakuwa na dalili ya Cooper.

Alichokuwa nacho ndani ya ndege ilikuwa ni tai na parachuti tu.

Inaaminika kuwa huenda alitua kwenye ardhi karibu na Ziwa la Maroon, kutokana na eneo alilotoka kwenye ndege.

FBI mara moja walianza kupekua eneo hilo na mamia ya watu walihojiwa. Taratibu wigo wa utafutaji uliongezeka lakini bila mafanikio.

Cooper alionekana kutoweka taratibu.

Tukio jingine sawia na hilo lilitokea miezi mitano baadaye ambapo mshtakiwa aliruka kutoka kwenye ndege kwa msaada wa parachuti baada ya kupata pesa kutoka kwa ndege aliyokuwa ameiteka nyara.

Lakini safari hii mshtakiwa aitwaye Richard Fluid alikamatwa. FBI waliamini kuwa huyu ndiye mshukiwa waliyekuwa wakimtafuta.

Nambari za serial za noti

Mhudumu wa ndege alipoonyeshwa uso wake wa mshtakiwa, alisema sio yeye.

Akiwa ameathirika na utekaji nyara uliofanikiwa wa Dean Cooper.

Kwa miaka mingi FBI haikupata ushahidi wowote. Ilisemekana kwamba Cooper anaweza kuwa hakunusurika kuruka.

Kisha mnamo 1980, mvulana alipata noti ishirini za dola karibu na mto. Jumla ya $5,800. FBI ilipopokea taarifa hii, walitafuta nambari ya serial ya noti.

Hizi ndizo noti zile zile ambazo Cooper alipewa kama fidia.

Hilo linatia moyo zaidi wazo la kwamba huenda Cooper hakunusurika kuanguka katikati ya msitu wakati wa usiku

Siri iliyokosa ufumbuzi...

Lakini si kila mtu anakubaliana na wazo hili. Noti zilizopatikana lazima zilianguka kutoka kwa Cooper wakati akiruka na lazima awe alitua salama na pesa zingine.

Kwa hivyo, siri ya fumbo hili iliongezeka na Dean Cooper akawa mtu mashuhuri huko Marekani. Hakuna aliyejua Dean Cooper alikuwa nani au kama bado alikuwa hai au la.

Miaka mingi baadaye, mnamo Agosti 2011, mwanamke anayeitwa Maria Cooper alidai kwamba Dean Cooper alikuwa mjomba wake.

Historia ya Marekani

Maria alidai kwamba alisikia mazungumzo kuhusu kutekwa nyara kwa ndege hiyo. Lakini Maria pia alisema kuwa pesa hizo ziliruka hewani baada ya mjombake kuruka kutoka kwenye ndege.

Madai mengi kama hayo yalitolewa.

Jambo la kuchekesha kuhusu madai haya ni kwamba mhudumu wa ndege iliyotekwa nyara alisema kuwa picha ya mjomba wa Maria ilikuwa sawa na mtekaji nyara.

Lakini mamlaka haikuamini dai hili na faili ya Dean Cooper haikufungwa.