You’re viewing a text-only version of this website that uses less data. View the main version of the website including all images and videos.
Is barbardhig: Gidaarka Trump iyo kuwa kale ee caalamka caanka ka ah
Madaxweyne Trump wuxuu amray dhismaha gidaarka xuduudda u dhexeysa Mexico iyo Mareykanka.
Wuxuu jooggiisa noqondoonaa sagaal illaa 16 mitir, wuxuuna ahaan doonaa mid aad u adag.
Jamhuuriyiinta waxay sheegayaan in uu gidaarka ka hor istaagayo dadka Mexico inay si sharcidaro ah ku galaan Mareykanka.
Hadda waxaa xududda ka dhisan derbi lagu xakameynayo dhaqdhaqaaqa, dadka qaar ee ehelka ah waxay ka sheekeystaan halkaas ayagoo labada dhinac kala jooga.
Waxaa hadaba jiro gidaarro badan oo xilliya hore la dhisay si dalal loogu kala qeybiyo.
Sidey isku mid u yihiin midka Trump uu doonayo inuu ka dhiso xuduudda Mexico iyo Mareykanka iyo kuwii horey loo dhisay:
Waxaa laga joogaa 27-sano markii la dumiyay derbigii Berlin
Anagoo eegeyna saameyntii uu lahaa, aan ka bilowno gidaarkii Berlin, Jarmalka
Sanadkii 1950-kii Jarmalka waxaa loo kala qeybiyay Bari iyo Galbeed.
Dadkii deganaa qeybtii ay haysan jireen Mareykanka, Fransiiska, iyo Britain, ayaa waxay subixii ku soo tooseen xeyndaab. Waxaa lagu kala qeybiyay Bariga iyo Galbeedka Berlin.
Markii hore, gidaar iska caadi ah buu ahaa, balse markii dambe wuxuu yeeshay saameyn kale, waxaana laga dhigay 3.6m joogiisa.
jiifkiisana wuxuu ahaa 66km oo lagu kala jaray guud ahaan Berlin.
Derbiga Trump wuxuu noqon doonaa midka ugu dheer, balse maahan midka ugu dheeraa taariikhda.
Xuduudda u dhexeysa Mareykanka iyo Mexico waxay gaareysaa 3,000km.
Hadaba, xittaa haddii Trump uu burburiyo buuraha si uu u dheereeyo, wuxuu gidaarkiisa la mid noqonkaraa midka Shiinaha ee loo yaqaano "Great Wall".
Joogka gidaarka Shiinaha way adagtahay in la sheego, balse waxaa la isku raacay injiifkiisu ahaa 20,000km. Waxaa laga arki karaa buuraha dushooda, dadka diyaaradaha saaranna way arki karaan.
Meelaha qaar, joogiisu wuxuu yahay todobo mitir.
Hadaba, gidaarka Trump wuxuu ku xiran yahay go'aankiisa
Madaxweynaha ma go'aansan karo heerka joogga gidaarka uu noqonayo, balse wuxuu sheegay inuu ka doonayo inuu 16-mitir noqdo. Kaasi wuxuu aad uga dheeraan karaa basaska seddaxda dabaq ah.
Gidaarka Hadrian, kaas oo boqortooyadii Hadrian ay dhistay sanadkii 122 AD, wuxuu joogiisa ahaa illaa 10 mitir.
Sidoo kale waxaa lagu xiray dhul gaaraya 117km, wuxuu kala qeybinayay England iyo Scotland.
