Trump oo BBC ugu hanjabay in uu tallaabo sharci ah ka qaadi doono

Tebin toos ah

1. 10 Nofembar 2025Madaxweynaha Soomaaliya Xasan Sheekh Maxamuud iyo wafdi uu hoggaaminayo oo garaay Aljeeriya

   

   Xigashada Sawirka, SNTV

   Madaxweynaha Soomaaliya Xasan Sheekh Maxamuud iyo wafdi uu hoggaamianyo ayaa galabta gaaray caasimadda dalka Aljeeriya ee Aljeris, halkaas oo uu ku tegay marti-qaad rasmi ah oo uu ka helay Dhiggiisa dalkaas Madaxweyne Cabdulmajiid Tabuun.

   Xasan Sheekh ayaa inta uu ku sugan yahay Aljeeriya waxa uu kulan gaar ah la qaadan doonaa Madaxweynaha Aljeeriya Mudane Abdelmadjid Tebboune iyo mas’uuliyiin sare oo ka tirsan dowladdiisa, si ay uga wada hadlaan iskaashiga amniga, ganacsiga, waxbarashada, iyo xiriirka diblomaasiyadeed ee labada dal sida lagu baahiyay Warbaahinat Dowladda Soomaaliya

2. 10 Nofembar 2025Taliska xoogga oo ka warbixiyay eedeysanayaal loo qabtay dhacadadii foosha xumeyd ee ka dhacday Wanlaweyn

   

   Xigashada Sawirka, SNTV

   Taliyaha ciidanka Dhulka Sareeye Guute Sahal Cabdullaahi Cumar ayaa sheegay in eedeeysanayaal ku eedeeysan dhacdadii dilka iyo gubista ahayd ee ka dhacday aagga Walaweyn in eedeysanayaal gacanta lagusoo dhigay isla markaasian lagu wareejiyay laamaha caddaalada.

   “ Taliska Ciidanka Xoogga dalka Soomaaliyed waxa uu aad uga xun yahay falkii bahalnimada ahaa ee lagu dilay marxuum Isaaq Daa’uud Maxamed laguna gubay taariikhdu markii ay ahayd 7/11/2025” ayuu yiri Taliyaha oo intaasi ku daray in Falkaasi uu ka dhacay deegaanka Dundumaayee degamada Wanlaweyn ee gobolka Sh/hoose

   Taliyaha ayaa sheegay in falkaasi aanu ahayn mid ku banaan diinteena iyo dhaqankeena midna.

   Taliyuhu wax uu sheegay in lasoo qabtay seddex edeysane oo lagu tuhmayo in ay geeysteen falkaasi foosha xumaa

   “Seddexdaasi eedeysane waxa isla maantay lagu wareejiyay maxkamadda ciidanka qalabka Sida” ayuu yiri taliyuhu.

   Dhinaca kale Guddoomiyaha Gobolka Sh/Hoosee Ibraahim Aden Najax oo warfideeynka la hadlay ayaa sheegay in ay aad uga xunyihiin “ dhacdooyinkii ugubka ahaa ee ka dhacay gobolka Sh/hoose”

3. 10 Nofembar 2025Trump oo ku hanjabay dacwad $1bn ah oo ka dhan ah BBC

   

   Xigashada Sawirka, EPA

   Warbaahinta Mareykanka ayaa ku warramaysa warqad la sheegay inay ka timid kooxda qareennada ee madaxweynaha Mareykanka Donald Trump oo loo diray BBC-da.

   Warqadda waxa ay BBC siinaysaa wakhti kama dambays ah ilaa Jimcaha 14ka Nofembar 22:00 GMT (17:00 EST) si ay "ka laabasho buuxda oo cadaalad ah" uga samayso dukumenteriga Panorama - ama in lagu dacwayo $1bn (£760m).

   Waxay u qornayd sidan: "Haddii BBC-du u hoggaansami weydo arrimaha kor ku xusan Nofembar 14, 2025, 5:00 p.m. EST, Madaxweyne Trump waxa loo ogolaan doonaa iyadoo anaay jirin wax kale oo aan ahayn inuu fuliyo xuquuqdiisa sharciga ah iyo xaqa uu leeyahay, kuwaas oo dhammaantood ah kuwo si cad loo xafiday oo aan la dhaafi Karin kuwaas oo ay ku jirto in la sameeyo tallaabo sharci ah oo aan ka yarayn $ 1,000,000 (Hal bilyan oo dollar) oo ah dhaawacii loo geystay. BBC-da waa la ogaysiinayaa."

   Waxa aan idin soo gudbin doonaa warqadda BBC-da loo soo diray – waxaanan soo gudbin doonaa faahfaahin dheeraad ah isla marka aan helno

4. 10 Nofembar 2025Trump oo horay u dacweeyay warbaahin ay ka mid tahay CBS, CNN iyo Wall Street Journal

   

   Xigashada Sawirka, Reuters

   Sida aan horay u sheegnay, BBC News ayaa ogaatay in madaxweynaha Mareykanka Donald Trump uu BBC uuusoo diray warqad uu ugu hanjabayo in tallaabo sharci ah laga qaadi doono.

   BBC-da ayaa sheegtay inay heshay warqadda, ayna ka jawaabi doonto waqtiga ku habboon.

   Madaxweynaha Mareykanka ayaa taariikh dheer ku leh dacwooyinka -ama hanjabaada ah inuu dacweyn doono - warbaahinta, taasoo ay ka soo baxday natiijooyin kala duwan.

   Bishii Luulyo, tusaale ahaan, CBS News iyo shirkadda ay bah wadaagta yihiin ee Paramount waxay ogolaadeenis afgarasho $16 milyan (£13.5m) ka dib markii uu dacweeyay Trump, kaasoo ku eedeeyay khiyaano dhanka faafreebka ah oo ku saabsan wareysi ay la yeesheen madaxweyne ku xigeenkii iyo musharraxa Dimuqraadiga Kamala Harris kahor doorashada 2024.

   Isla bishaas, Trump wuxuu gudbiyay dacwad $10bn ah oo ka dhan ah Wall Street Journal iyo mulkiilaha Rupert Murdoch isagoo ku eedeeyay inuu warqad ku saabsan dhalashadiisa uu u qoray dambiilaha galmada ee Jeffrey Epstein.

   Aqalka Cad ayaa marar badan ku celceliyay in warqaddaasi ay tahay mid sax ah welina ay socoto dacwadda.

   Warbaahinta kale ee dacwadaha Trump wajahay waxa ka mid ah New York Times, CNN iyo Des Moines Register.

5. 10 Nofembar 2025Trump oo BBC ugu hanjabay in uu tallaabo sharci ah ka qaadi doono

   

   Xigashada Sawirka, Reuters

   Trump ayaa ugu hanjabay BBC in tallaabo sharci ah laga qaadi doono iyadoo guddoomiyaha BBC uu raaligelin ka bixiyay 'qaladka go'aan' ee tafatirka hadalka

   BBC-da waxa ay ogaatay in madaxweyne Donald Trump uu BBC usoo diray warqad uu ugu hanjabayo in tallaabo sharci ah laga qaadi doono.

   BBC-da ayaa xaqiijisay inay heshay warqada, ayna ka jawaabi doonto waqtiga ugu dhow

   Wax yar ka hor inta aan la ogaanin in Donald Trump uu ugu hanjabay BBC-da in tallaabo sharci ah laga qaadi doono, hoggaamiyaha Liberal Democrats Ed Davey ayaa ku boorriyay dowladda inay cambaareyso hadallada uu madaxweynaha Mareykanka xalay kagasoo horjeeday BBC.

   Warqad loo diray Ra'iisul Wasaare Keir Starmer, hogaamiyaha xsibiga muxaafidka Kemi Badenoch iyo iyo hogaamiyha xisbiga kale ee Reform ee Nigel Farage, ayaa Davey waxa uu ku yiri "ma aha in ay quwadaha shisheeye u taliyaan halka dadka Britishka ah ay ka helaan warkooda".

   "BBC waxaa iska leh Britain, ma aha Trump. Waa inaan si wadajir ah u difaacno," ayuu yiri Davey.

6. 10 Nofembar 2025Madaxa BBC Samir Shah oo raaligelin ka bixiyay " sida BBCdu u faafreebtay khudbaddii Donald Trump

   

   Xigashada Sawirka, PA Media

   Guddoomiyaha BBC Samir Shah ayaa raaligelin ka bixiyay "Khalad xukun" oo ku saabsan sida filim dokumenti ah uu u tafatiray khudbadii Donald Trump

   Agaasimihii guud ee BBC Tim Davie iyo maamulaha guud ee warraka Deborah Turness ayaa iscasilay habeenimadii Axadda, ka dib markii qoraal sir ah oo si qarsoodi ah loo faafiyay uu dhaliilay barnaamijka Panorama ee 2024 oo ku saabsan madaxweynaha Mareykanka.

   Wargeyska The Telegraph ayaa daabacay qoraalkan, oo uu qoray lataliyihii hore ee Michael Prescott, isagoo soo jeedinaya in barnaamijka la isku daray laba qaybood oo ka mid ah khudbadda Trump si uu ugu muuqdo mid si cad u dhiirigelinaya rabshadihii Capitol Hill ee Janaayo 202.

   Warqad uu u diray xildhibaanada guddiga dhaqanka, warbaahinta, iyo isboortiga, Shah wuxuu ku sheegay in tafatirka "ay bixisay aragti ah baaq toos ah oo ah ficil rabshadeed"

   Waxa uu qoray: "Tan iyo markii la daabacay qoraalka Mr Prescott, arrintani in ay keentay in ka badan 500 oo cabashooyin ah. Kuwaas hadda loola dhaqmayaa si caadi ah. Waxay sidoo kale kicisay feker dheeraad ah BBC-da.

   "Gabagabada wada-tashigaas ayaa ah in aan aqbalnay in habka loo tifaftirayay khudbadda ay bixinayso aragti ah baaq toosa oo rabshado ah. BBC-du waxay jeclaan lahayd inay raalli-gelin ka bixiso khaladkaas xukunka ah." Ayuu yiri.

7. 10 Nofembar 2025Cabdinaasir Saxansaxo oo loo magacaabay Afhayeenka Xafiiska Ra’iisul Wasaaraha

   

   Xigashada Sawirka, OPM Somalia

   Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre ayaa Cabdinaasir Axmed Bashiir (Saxansaxo) u magacaabay Agaasimaha Waaxda Warfaafinta ahna Afhayeenka Xafiiska Ra’iisul Wasaaraha laga bilaabo maanta.

   Cabdinaasir Saxansaxo waxa uu beddelayaa Farxaan Maxamed Jimcaalle oo xilkaasi horey u haayey ka hor inta uusan ka mid noqon Guddigga Madaxa Bannaan ee Xuquuqul Insaanka Qaranka (GMXIQ).

   Cabdinaasir Saxansaxo ayaa leh waaya aragnimo saxaafdeed isagoo horey ugasoo shaqeeyay laanta Afsoomaaliga ee BBC.

8. 10 Nofembar 2025RSF oo in ka badan konton kun oo rayid ah ku xirxiray gooba ku yaal El Fasher

   

   Xigashada Sawirka, Getty Images

   Wararka ka imaanaya dalka Suudaan ayaa sheegaya in ciidamada RSF-ta ay in ka badan konton kun (50,000) oo rayid ah ku xirxireen shan goobood oo ku yaalla gobolka El Fasher ee Waqooyiga Darfur, iyagoo u diidaya inay ka baxaan magaalada.

   Goobjoogayaal ayaa RSF ku eedeeyay in ay ku qasbeen maxaabiista, gaar ahaan ragga dhallinyarada ah inay duubaan farriima madaxfurasho ah oo ay u dirayaan qoysaskooda.

   Ururka dhakhaatiirta Suudaan ayaa ku eedeeyay RSF in ay boqolaal meydad ah ka nadiifinayeen waddooyinka magaalada si ay u qariyaan tacaddiyada ka dhanka ah dadka rayidka ah.

   Shabakadda Dhakhaatiirta Suudaan ayaa cambaareysay dilka iyagoo ku tilmaamay “xasuuq abaabulan” waxayna ku baaqeen baaritaan caalami ah.

9. 10 Nofembar 2025Isbeddel lagu sameeyay qaar ka mida maalmaha fasaxa rasmiga ee Suuriya iyo khilaaf xooggan oo ka taagan

   

   Xigashada Sawirka, Getty Images

   Wareegta cusub ayaa muran iyo khilaaf xooggan ka dhalisay baraha bulshada, kaddib markii la shaaciyay in la joojiyay dabaaldegyada iyo fasaxyada la xiriira dhacdooyinka taariikhiga ah, kuwo cusubna lagusoo daray.

   Go’aankaasi waxa uu baabi’iyay laba fasax ama munaasabdood oo loo asteeyay sannad-guuradii dagaalkii Oktoobar 1973-kii, iyo sannad-guuradii kasoo wareegtay markii ay mas’uuliyiintii Cusmaaniyiintu dileen tiro dhaqdhaqaaqeyaal ah sannadkii 1916kii.

   Wareegtada ayaa sidoo kale waxa ku jiray in lagu daro labo fasax oo cusub oo la xiriira kacdoonka Suuriya, halka liiska fasaxyada aysan ku jirin maalmaha fasaxyada ee la xiriira Kurdiyiinta.

10. 10 Nofembar 2025Muxuu ku saabsanyahay Shirka Arrimaha Bani’aadannimada ee ka furmay Jowhar

    

    Xigashada Sawirka, SNTV

    Magaalada Jowhar waxa goor dhaweyd ka furmay Shirka Madasha Arrimaha Bani’aadannimada, kaas oo ay ka qeyb-galeen wasaaradaha arrimaha gargaarka ee dowlad-goboleedyada, Maamulka Gobolka Banaadir, hay’adaha deeq-bixiyeyaasha iyo qeybaha kala duwan ee bulshada rayidka ah.

    Madaxweynaha Dowlad-Goboleedka Hirshabelle, Mudane Cali Guudlaawe Xuseen, ayaa si rasmi ah u furay Shirka .

    Shirka waxa sidoo kale ka qeyb galay Guddoomiyaha Hay’adda Maareynta Musiibooyinka Qaranka (SoDMA), Mudane Maxamuud Macalin Cabdulle, iyo wakiillo ka socda Qaramada Midoobay, ururrada samafalka, bulshada rayidka, hoggaamiyeyaal maxalli ah, iyo xubno ka socda hay’adaha caalamiga ah.

    Shirkan oo ay soo qaban-qaabisay Hay’adda Maareynta Musiibooyinka Qaranka (SoDMA), isla markaana ah kii 9-aad, ayaa inta uu socdo diiradda lagu saari doonaa xaaladaha bani’aadannimo, gaar ahaan barakaca, abaaraha, iyo sidii loo mideyn lahaa jawaabaha degdegga ah ee laga bixiyo musiibooyinka.

11. 10 Nofembar 2025Ingiriiska oo ciidamo iyo qalab u diray Belgium si ay uga hortagaan diyaaradaha aan duuliyaha lahayn ee Ruushka

    

    Xigashada Sawirka, Instagram

    Ciidamada dalka Belgium-ka ayaa taageero ka codsaday UK horraantii toddobaadkan, sida uu BBC-da u sheegay, madaxa ciidamada difaaca, Richard Knighton.

    Gegida dayuuradaha ee Brussels ayaa si ku meel gaar ah loo xiray habeenimadii Khamiista, ka dib markii lagu arkay diyaaradaha aan duuliyaha lahayn ee loo yaqaano (UAVs) meel u dhow magaalada Brussels ee caasimadda dalka Belgium.

    Diyaaradaha Drones-ka ayaa sidoo kale lagu soo waramayaa in lagu arkay goobo kale oo ay ka mid tahay Saldhig ciidan.

    Isagoo la hadlayay barnaamijka telefishinka BBC-da ee ay daadihisay Laura Kuenssberg Axaddii, madaxa ciidamada difaaca Knighton ayaa sheegay, in UK ay siineyso taageero militari oo ay uga jawaabeyso codsiga Belgium, qalab iyo shaqaaluhuna ay ku soo wajahan yihiin.

    Fiidnimadii Axadda, warar ka soo baxay Belgium ayaa sheegay, in saddex diyaaradood oo kale la arkay iyagoo dul heehaabaya warshadda tamarta Nukliyeerka ee Doel.

    Afhayeen u hadlay shirkadda tamarta Engie ENGIE.PA ayaa xaqiijiyay in aysan jirin wax carqalad ah oo ku yimid shaqada warshadda.

    Duulimaadyada garoonka caalamiga ah ee Liege ee Grace-Hollogne ayaa si ku meel gaar ah loo hakiyay, sababo la xiriira muuqaallo diyaarado kale oo lagu arkay hawada.

12. 10 Nofembar 2025Inaad labo jeer cadeysato maalintii ma wanaagsana, sababta ogow

    

    Xigashada Sawirka, Getty Images

    Dhammaanteen waxaan u maleyneynaa inaan naqaanno sida loo cadaydo ilkaheenna - xoqid subax iyo habeen, biyo ku raaci iyo laga yaabee isticmaalka af-dhaq ka sameysan nacnaac oo qiyaas wanaagsan ah.

    Laakiin sida ay qabaan khubarrada ilkuhu, xitaa dadka cadeysiga aadka ugu dadaala waxaa laga yaabaa inay samaynayaan khaladaad yar oo dib u dhigaya shaqadooda wanaagsan.

    Dr Praveen Sharma, oo ka tirsan dugsiga cilmiga ilkaha ee jaamacadda Birmingham, ayaa sheegay in kala bar dadka qaangaarka ah ee ku nool UK uu mar uun ku dhici doono cudurka cirridka iyo calaamadda hore ee cirridka oo dhiig baxaya.

    "Haddii cirridkaagu uu dhiig baxayo ama bararayo waa calaamad ku tusineysa inaad u baahan tahay inaad si fiican u cadayato," ayuu yiri.

    Iyo sidoo kale booqashooyinka joogtada ah ee dhakhtarka ilkaha, halkan waxaan idinkugu soo gudbineynaa afar shay oo isaga iyo daadiheyeyaasha barnaamijka What's Up Docs ee BBC Dr Xand iyo Dr Chris van Tulleken, ay ku sheegeen in qaar badan oo naga mid ah ay hadda khaldan yihiin kuwaas oo haddii aan beddelno hagaajin kara caafimaadka ilkaheenna.

    Halkan ka sii akhriso

13. 10 Nofembar 2025Hooyadii qasabka cunugga ugu dhashay taliyaha Daacish ee go'aanka qalbi-jabka ah qaadatay

    

    23 Disembar 2019

    "Aadan wuxuu lahaa timo casuus ah iyo indho cagaaran, mana uusan u ekeyn walaalihiisa kale ee gabdhaha iyo wiilashada ah. Aniga waan jeclaa ilaa markii aan maqlay oohintiisii ugu horreysay. Wuxuu ahaa iftiin ii baxay xilli aan mugdi ku jiray", sidaas waxaa tiri Jovan.

    Laakiin cunuggaas aabihiis wuxuu ahaa ninka iyada afduubka u heystay, waxayna ugu dambeyn ku khasbanaatay inay faraheeda ka bixiso.

    Jovan markii hore waxay ku jirtay nolol aad u qurux badan, waxayna meel la dagganeyd seygeeda Khedr iyo carruurteeda.

    Waxay ku noolaayeen xaafad xasiloon oo ku taalla deegaannada ay waddanka Ciraaq ka daggan yihiin dadka kasoo jeeda qowmiyadda Yaziidi.

    Waxay aad u jeclaan jirtay xilliyada xagaaga, markaasoo iyada iyo seygeeda ay bannaanka hore ee gurigooda isla tagi jireen marka ay carruurta ka seexdaan.

    Waxay si wada jir ah u sheekeysan jireen iyagoo daawanaya cirka nadiifta ah ee ay xiddiguhu ku sharraxan yihiin.

    "Aaad baan u faraxsanaa, waxaana ku noolaa nolosha ugu fiican ee qof u suurtagali karta", ayey tiri Javan.

    Laakiin noloshii ceynkaas ahayd mar ayey isu baddashay si aan kasoo noqosho lahayn. Waxay markaas ahayd xagaagii 2014-kii.

    Maalin ka mid ah bishii August ee sanadkaas, wakhtigii qadada ka dib, labo gaari oo uu ka dul babbanayay calan madow ayaa xaafaddooda soo gashay.

    Hase ahaatee, qaarkood way garanayeen wajiyadooda - sababtoo ah waxay ahaayeen rag ka soo jeeday xaafadaha dariska la ah. Raggii dadka xaafadda waxay u ballan qaadeen inaysan wax dhibaato ah gaarsiin doonin haddii ay amarkooda.

    Sii akhri

14. 10 Nofembar 2025Dimuqraadiyiin la saftay jamhuuriyiinta si loo meel mariyo heshiis lagu soo afjarayo shaqa joojinta Mareykanka

    

    Xigashada Sawirka, Reuters

    Senetarrada mareykanka ayaa meel mariyay heshiis u gogo xaaraya in lagu so oaf-jaro shaqa joojintii dhawaan ku timid hay’adaha dowladda Mareykanka, kuwaas oo shaqadoodu joogsatay markii ugu horreysay muddo sanado ah.

    Koox ka tirsan xisbiga dimuqraadiyiinta ayaa taageeray heshiis ay soo jeediyeen Jamhuuriyiinta aqalka senetka.

    Ka dib 40 maalmood oo is-mari-waa ah, tani waa calaamaddii ugu horreysay ee horumar laga sameeyo - laakiin heshiiska ayaa weli u baahan inuu meel mariyo Aqalka, iyadoo dimuqraaddiyiinta ay ka soo horjeedaan.

    Xubno ka tirsan Dimuqraaddiga oo aad u firfircoon, ayaa ka caraysan in tiro yar oo ka mid ah asxaabtooda Senate-ka ay heshiis la galeen Jamhuuriyiinta Trump.

    Toddobaadyadii u dambeeyay, boqolaal kun oo shaqaalaha dowladda ah ayaa shaqeeyay iyaga oo aan wax mushahar ah qaadan, adeegyadiina waa la carqaladeeyay guud ahaan Mareykanka

15. 10 Nofembar 2025Ragga xoogga lagu mehersado ee ay gabdhuhu afduubtaan

    

    Xigashada Sawirka, Getty Images

    Gabdhaha gobol kamid ah dalka Hindiya ayaa leh dhaqan la yaab leh marka ay joogto bulshooyin ay kamid yihiin Soomaalida. Waxay qasab u guursadaan wiilka ay jeclaadaan, xitaa haddii uusan isagu ka helin iyada.

    Dalka Hindiya waa kan ugu dadka badan caalamka sannadkan sii dhamaanaya ee 2023-ka, wuxuuna leeyahay dhaqammo aad u badan, waana taas sababta keenta in marar badan aad ku arki karto falal iyo dhaqammo ay qaar badan oo bulshooyinka caalamka ka mid ahi u arkaan wax la yaab ah.

    Gobolka Bihar ee dalkaas qaarad u ekaha ah ee Hindiya, waxaa ka jira dhaqan gaamuray oo halkaas looga yaqaan ‘Pakadaua Vivah’ oo la macne ah 'guurka afduubka', kaas oo gabadhu dirsanayso dad usoo afduuba wiilka ay ka hesho si ay xoog ugu guursato.

    Geyiga Soomaalida, haddii xoog, xatooyo ama xodxodasho wax lagu guursanayo, mar walba waxaa sidaas sameeya wiilka.

    Dhaqankan gobolka Bihaar, kuma eka oo kaliya gabdhaha ee qoyska gabadha dhalay una doonaya gabadhooda wiil fiican ayaa usoo afduuba iyaga oo ugu dambeyntiina bixinaya lacagtii meherka wiilka ama yaradkiisa.

    Taasi waxay keentay in uu qaali noqdo guurku. Maadaama uusan wiilku dookhiisa ku guursan gabadha ama dhookha qoyskiisa, waxay qoyska wilku sare u qaadayaan dhaqaalaha ay ka rabaan qoyska gabadha wiilka soo afduubtay.

    Sii akhri

16. 10 Nofembar 2025Madaxa BBC-da oo la filayo inuu hadal jeediyo kadib is casilaaddii agaasimaha guud iyo madaxa wararka

    

    Madaxa BBC-da, Samir Shah, ayaa la filayaa inuu raalli gelin bixiyo, iyadoo uu maanta hadal ka jeedin doono guddiga baarlamaanka.

    Waxay imanaysaa ka dib markii agaasimaha guud ee BBC, Tim Davie, iyo madaxa waraka, Deborah Turness ay is casileen habeenimadii Axadda, ka dib markii lagu dhaleeceeyay dukumeenti khiyaameeyay daawadayaasha iyadoo si kale loo dhigay ama la habeeyay khudbad uu jeediyay Donald Trump.

    Wargeyska Telegraph ayaa daabacay qoraal sir ah oo ay leedahay BBC oo soo jeedinaya in dukumeenti Panorama ah uu isku xiray laba qaybood oo ka mid ah khudbaddii Trump si uu u muuqdo inuu si cad u dhiirrigelinayo rabshadihii Capitol Hill ee Jannaayo 2021.

    Qoraalku wuxuu sidoo kale dhaleeceeyay dhinacyo kale oo ka mid ah baahinta wararka ee BBC News.

17. 10 Nofembar 2025Trump iyo hogaamiyaha Suuriya, Al-Sharaa oo ku kulmaya Aqalka Cad

    

    Xigashada Sawirka, Reuters

    Madaxweynaha Maraykanka, Donald Trump, iyo hogaamiyaha ku meel gaarka ah ee Suuriya, Ahmet Shara, ayaa ku kulmi doona Aqalka Cad maanta oo ay taariikhdu tahay 10-ka November.

    Waxaa la shaaciyay in labada dhinac ay ku kulmi doonaan xafiiska Oval Office, kulankan ayaa ah mid albaabada u xiran yihiin oo saxafada loo ogolayn.

    Shara waxa ay Washington soo gaaray habeennimadii Sabtida. Wuxuu markii ugu horreysay la kulmay Agaasimaha Maamulka Hay’adda Lacagta Adduunka (IMF) Kristalina Georgieva iyo wakiillo ka socda dhowr hay’adood oo Suuriyaan ah oo ku sugan Mareykanka.

    Dhinaca kale, Wasiirka Arrimaha Dibadda Turkiga ,Hakan Fidan ayaa isna maanta ku sugan dalka Mareykanka.

    Af hayeenka Aqalka Cad, Karoline Leavitt, ayaa bayaan ay soo saartay 4-tii November ku tilmaantay kulanka in uu qeyb ka yahay, dadaallada dublamaasiyadeed ee Trump ee ah in uu la kulmo qof kasta oo adduunka ah si loo helo nabad.

    Waxay sidoo kae dib u xusuusisay in Trump uu go’aansaday in uu cunaqabataynta ka qaado Suuriya, intii lagu guda jiray safarkiisii ​​Bariga Dhexe ee bishii June.

    Waa markii ugu horreysay oo madaxweyne Suuriyaan ah uu booqasho ku tago Mareykanka, tan iyo markii dalkaas uu xornimada qaatay 1946-kii.

    Kulanka ayaa la filayey in muddo ah. Ergeyga gaarka ah ee Trump u qaabilsan bariga dhexe ahna safiirka u fadhiya Ankara, Tom Barrack, ayaa hore ula wadaagay rajada uu ka qabo in booqashadu ay dhacdo 10-ka November.

    Wasiirka arrimaha dibadda ee Suuriya, Assad Xasan Shaybani, ayaa xaqiijiyay in Sharaa uu booqan doono Aqalka Cad horraanta bisha November, wuxuuna caddeeyay in dib u dhiska Suuriya laga wada hadli doono inta uu shirku socdo.

    Tom Barrack ayaa sidoo kale sheegay in ay rajeynayaan in Syria ay ku biirto isbaheysiga uu hogaamiyo Mareykanka ee ka dhanka ah Daacish.

18. 10 Nofembar 2025Somaliland oo war ka soo saartay nidaamka e-Visa ee ay bixiso Soomaaliya

    

    Xigashada Sawirka, Getty Images

    Laanta socdaalka iyo ilaalada xuduudaha Jamhuuriyada gooni isu taageeda ku dhawaaqday ee Somaliland ayaa sheegtay in aan deegaanada ay maamusho lagu soo gali karin dal ku gal (Fiise) ay bixisay dowladda Soomaaliya.

    Nidaamka fiisaha ee lagu geli karo Somaliland ayaa laanta socdaalka iyo ilaalada xuduudaha ay sheegtay in jihaynta ay tahay in lagu war geliyo dadweynaha.

    Diyaaradaha, wakiillada laamaha socdaalka, howlgallada diblumaasiyadeed iyo dhamaan socdaalayaasha ku wajahan Somaliland, iyada oo tixraacayo qodobka sharciga ee tirsigiisu yahay 109/2025 ay hay’addu cadeyneyso qodobkan:

    • In dal ku galka ama oggolaansho safar ay soo saartay dowladda Soomaaliya aysan ka shaqeyneyn in lagu soo galo Somaliland. Dukumentiyo noocaas ahna aan laga aqoonsaneyn goob kasta oo xuduudda Somaliland ah. Shaqsiyaadka wata dukumentiyadan, waxaa laga diidayaa soo gelitaanka, waxayna wajihi karaan nidaamka sharciga u yaala shuruucda socdaalka qaranka.
    • Muwaadiniinta ajaaniibta ah ee booqanaya Somaliland, waxay ka heli karaan dal ku galka fiisaha markay yimaadaan garoomada diyaaradaha Hargeysa iyo Berbera.

    Waxaad sidoo kae akhrisan kartaa:

    Maxay Soomaaliya u mamnuucday baasaboorka Taiwan, maxayse Somaliland ka tiri

    Baasaboorka Soomaaliya sannadkan kaalintee kaga jiraa baasaboorrada caalamka

19. 10 Nofembar 2025Abaaro aan hore loo arag iyo biyo la'aan oo laga soo sheegayo Iiraan

    

    Xigashada Sawirka, EPA

    Iiraan – gaar ahaan caasimaddeeda Tehraan – waxaa soo food saartay abaar aan hore loo arag dayrtan, iyada oo roobabku ay gaareen heerkii ugu hooseeyay, kaydadkuna ay ku dhow yihiin faaruq.

    Saraakiishu waxay ka codsanayaan muwaadiniinta inay ilaashadaan biyaha marka ay dhibaatadu sii korodho.

    Madaxweyne Masoud Pezeshkian ayaa ka digay in haddii roob ku filan uusan dhawaan di’in, in biyaha Tehran la beeqaamin karo.

    Laakiin wuxuu sheegay in xitaa qaybinta laga yaabo inaysan ku filnayn si looga hortago musiibo. "Haddii qaybinta iyo beeqaamintu shaqayn waydo," Pezeshkian ayaa sidaa yiri, "waxa laga yaabaa in aan Tehran ka baxno."

    Hadaladiisa ayaa dhaliyay dhaleeceynta wargeysyada Iiraan iyo baraha bulshada. Duqii hore ee Tehran Gholamhossein Karbaschi ayaa ku tilmaamay fikradda "kaftan" wuxuuna yiri "in Tehraan dadka laga daadgureeyo haba yaraatee wax macno ah ma samaynayso".

    Saraakiisha saadaasha hawada ee Iiraan ayaa sheegay in wax roob ah aan la fileyn 10-ka maalmood ee soo socda.

    Dhanka kale, dhibaatada biyaha ayaa durba saameyn ku yeelatay nolol maalmeedka caasimadda.

20. 10 Nofembar 2025Trump oo soo dhoweeyay is casilaadda madaxda BBC

    

    Xigashada Sawirka, Getty Images

    Donald Trump ayaa soo dhaweeyay iscasilaadda agaasimaha guud ee BBC-da iyo madaxa wararka kaddib eedeymo sheegaya in daawadayaasha lagu khalday tifaftirka khudbad uu jeediyay madaxweyne Trump.

    Tim Davie iyo Deborah Turness ayaa xilalkoodii iska casilay kaddib markii warqad gudaha ah oo la dusiyay lagu cambaareeyay BBC-da in ay samaysay laba qaybood oo khudbadaha Trump ah oo la isku geeyay oo ay ka muuqato in Mr. Trump si cad u dhiirrigeliyay rabshadihii ka dhacay Capitol Hill bishii January 2021.

    Mr. Davie ayaa qirtay in khaladaad la sameeyay, balse Ms. Turness ayaa beenisay eedeymaha ku saabsan eex ka jirta gudaha BBC-da.